Qalerallit: Siorna pisat affaanit ikinnerusut tunineqartut

Nutaarsiassaq nutaajunngilaq. Qeqertarsuup Tunuani qaleralinniarneq ingerlanerluppoq. Tunisat suli ikiliartartut, Kalaallit Nunaanni Aalisarsinnaanermut Akuersissutinik Nakkutilliisoqarfiup kisitsisaataasa kingulliit takutitsipput.

Umiatsiaararsorlutik aalisartut siorna piffissap taamaalinerani qaleralittaat maannakkullu tunisat sanilliukkaanni maanna affaaniit ikinnerupput.

Ilulissani umiatsiaararsortut qalerallit 5922 tonsit siorna tunivaat, maannakkullu tunisat 2687 tonsiinnaapput.

AAMMA ATUARUK De lokale kan mærke hellefiske-krisen

Aalisarnermi pisat ikileriarujussuarnerata peqqutaa oqallisigineqanngaatsiarpoq. Pinngortitaleriffik isumaqarpoq aalisakkat tammarnerannut aalisapilunneq peqqutaasoq, allalli sumiiffimmi imaq kissappallaarsimanerarpaat.

Aalisarnermut Naalakkersuisup, Karl-Kristian Krusep pisassiissutit amerlassusaat allanngortikkusunngilaa. Naalakkersuisulli siulittaasuata aalisarnermi ingerlatsinerup allanngortariaqarnera oqaaseqarfigaa, sunali allanngortittariaqarnersoq erseqqussaaviginagu.

AAMMA ATUARUK Aalisakkat pissutigalugit avammut tunisakinnerusugut

AAMMA ATUARUK Qaleralinniarnermi malittarisassat sukaterneqartariaqarput