Inatsisartut: Simigaq Heilmann Thomsenip issiavianiilerpoq
Simigaq Heilmann ullumimiit Demokraatit sinnerlugit Inatsisartuni ilaasortanngorpoq.
Allattoq Andreas Wille
marsip 22-at 2019 11:55
Demokraatit siulittaasuat Niels Thomsen, Inatsisartuni sulinngiffeqarnissaminik qinnuteqarnikuuvoq taamaattumik Inaatsisartut upernaakkut ataatsimiinnerata aallartinnerani Simigaq Heilman Niels Thomsenip issiavianut ingippoq.
Simigaq Heilmann 29-inik ukioqarpoq Qeqertarsuarminngaanneerluni, tusagassiortutullu Ilisimatusarfimmi ilinniarluni.
Upernaaq kingulleq Inatsisartunut qinersisoqarmat Simigaq Heilmann 54-inik qinerneqarluni Demokraatit sinnerlugit Inatsisartuni sinniisussatut siullertut inissippoq.
Niels Thomsen juni tikillugu Inatsisartuni sulinngiffeqassaaq.
AAMMA ATUARUK Niels Thomsen Inatsisartuni sulinerminit sulinngiffeqarallalerpoq