Niels Thomsen Inatsisartuni sulinerminit sulinngiffeqarallalerpoq

Niels Thomsenip peqqissutsimut tunngatillugu inatsisartuni sulinerminit sulinngiffeqarniarnini aalajangerpaa, ukioq mannalu juunip ulluisa 30-ata tungaanut sulinngiffeqarallartussatut nalunaarutigineqarluni.
Assi © : Niels Thomsen
Allattoq Mads Lynge
marsip 13-at 2019 15:00

- Pisoq manna nammineq nuannarinngikkaluaqaara. Allanngueqataanissaq aamma nunama sullinnissaa pingaartilluinnarpara. Uanga nammineq Inatsisartut oqaluttarfiannut qaqillunga oqaaseqaleraangama qamuuna tulluusimaartaqaanga, taamaattumillu uannut imaannaasimanngilaq Inatsisartutut sulinngiffeqarallarnissara aalajangiuttariaqalerakku, Niels Thomsen oqarpoq.

Demokraatini politikkimut akisussaalluni siulittaasumut tullersorti Randi Vestergaard Evaldsen, aaqissuussaanermullu akisussaalluni siulittaasumut tullersorti Nivi Olsen, Niels Thomsenip sulinngiffeqarnerani suleqatigiillutik partii siulersussavaat.

Niels Thomsen, inatsisartunut siorna 2018-imi apriilip ulluisa 24-anni qinersinermi 2773-init taaguunneqarpoq, inatsisartunut qinersinermi qinerneqarpaat tulliattut inissilluni. Inuit Ataqatigiit siulittaasorisimasaat Sara Olsvig qinersinermi taaguunneqarpaavoq, 3360-init taamani qinerneqarluni.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk