Silarluk, nittaak imaliliornerlu aqqusaarlugu taasivissat anngupput
![](/sites/default/files/styles/image_934x467/public/article_images/valg_stemme_2018_lille.jpg?itok=i8EXoxgB)
Inatsisartunut apriilip arfernani qinersilerutta qinersinissamut taasivissat inoqarfinnut tamanut nassiunneqartut anngupput.
Taamaalilluni Nuummiit nassiussat inoqarfinnut 72-inut ullut qulit ataallugit ingerlaneranni anngunneqarput.
AAMMA ATUARUK Tamaat isigalugu: Partiit Kuannersuarnut tunngatillugu ima iliorusupput
Naalakkersuisut tusagassiuutinut nalunaarummi taama allapput.
- Taamatut angusaqarneq TELE-POST-ip, Air Greenlandip, kommunit Naalakkersuisullu maligassaqqissumik suleqatigiinneranni pisinnaasimavoq, Nunamut Namminermut Immikkoortortaqarfimmi immikkoortortaqarfimmut pisortaq, Inatsisartunut qinersinissamut piareersaanermut akisussaasuusorlu, Klaus Georg Hansen, oqarpoq .
Sikukkut qamuteralakkoorunneqartut
Tasivissat sumiiffinnut piffissaq eqqorlugu anngunneqarnissaa anguniarlugu nassiussinermi suleqataasut nutaaliornermik eqqarsartariaqarsimapput. Assersuutigalugu taasivissat ilai sikukkut qamuteralannik biilinillu anngutsinneqarput.
- Ukioq manna taasivissanik nassiussineq immikkut unammilligassartaqarsimavoq. Coronamut tunngatillugu killilersuinerit aammalu poorskernissaa pissutigalugit nalinginnaasumik pisartunit timmisartuussinerit ikinnerusimapput. Tamatuma saniatigut Air Greenlandimi teknikki silarlunnerani sumiiffini arlalinni unammilligassaqartitsisimapput, Nuummi TELE-imi sullissivimmi pisortaq, Susanne Kristensen, oqaluttuarpoq.
Taalaalillutik qinersisinnaasut tamarmik marlunngorpat taasivissaqalerput.