Politikki Avatangiisit Nunanit allanit

COP21 Silap pissusia pillugu isumaqatigiissusiornissaq aqagumut kinguartikkaat

Silap pissusia pillugu Parisimi ataatsimeersuarnermi isumaqatigiissut ullumi tallimanngornermi aalajangiiffigineqartussaagaluartoq aqagumut arfininngornermut kinguartinneqarpoq. Taama allaaserisaqarpoq franskit nutaarsiassaqartitsiviat AFP.

Allattoq Ritzau

decembarip 11-at 2015 06:48

Nutserisoq Jaaku Lyberth

Nunarsuarmi naalagaaffiit silap pissusia pillugu isumaqatigiissummik COP21-mik tallimanngornermi isumaqatiissuteqarnissaat pilersaarutaagaluarpoq.

Frankrigimi nunanut allanut tunngasunut ministeri Laurent Fabius oqarpoq, silap pissusia pillugu ataatsimeersuarneq sivitsorneqassasoq.

- Ataatsimeersuarneq arfininngornermi nanginneqassaaq isumaqatigiissutissap oqaasertaanik nutaanik saqqummiussissalluta, Fabius oqarpoq.

Aamma atuaruk Parisimi ataatsimeersuartut isumaqatigiingajalerput

Aamma atuaruk Silap pissusia pillugu isumaqatigiinniarnerni naggataagut tamaviaarneq

- Isumaqatigissutip oqaasertai arfininngornermi ullaap tungaani saqqummiunneqassapput ullup qeqqatalu missaani aalajangiiffigineqarluni, Naalaagaffiit Peqatigiit silap pissusia pillugu ataatsimeersuartitsinerani franskit siulittaasuutitaat nutaarsiassaqartitsivimmut AFP-mut taama oqarpoq.

Fabius atatsimeersuarnermi siulittaasuusoq sisamanngornermi unnukkut oqaraluarpoq, isumaqatigiissutissap oqaasertassai tallimangornermi unnukkut arfinernut isumaqatigiissutigineqarnissaanut piareerneqarumaartoq.

- Isumaqatigiissuteqarnissaq isumalluarfigineqarpoq.

- Ajunngitsumik ingerlavoq, Frankrigimi nunanut allanut tunngasunut ministeri Laurant Fabius oqarpoq.

Silap pissusia pillugu ataatsimeersuarnermi COP21-mi nunarsuarmi naalagaaffiit, silaannaap kiatsikkiartornerata aamma silap pissusiata allangoriartorneranik annikillisinneqarnissamut nassaarniarlutik misiliipput.

/ritzau/