- Atorfinitsinneqarnera nuannaarutigaara, nalunngilaralu kalaallit inuusuttut arsaatillammaasut, Morten Rutkjær oqarpoq.Assi: KAK

Silami isikkamik arsaannermi angutit sungiusaasortaarput

Morten Rutkjær Europami isikkamik arsaannermi sungiusariaatsimut qaffasinnerpaamut allagartaqarpoq

Kalaallit Arsaattartut Kattuffiat silami isikkamik arsaannermi angutinut sungiusaasortaarput.

KAK-p qallunaaq 46-inik ukiulik Morten Rutkjær atorfinitsippaa.

Assi: KAK-imi siulittaasoq Finn Meinel aamma Morten Rutkjær.

Taanna Europami isikkamik arsaannermi sungiusariaatsimut qaffasinnerpaamut allagartaqarpoq. Danmarkimilu iligiit assigiinngitsut sungiusartarnikuullugit.

AAMMA ATUARUK KAK pissartanngorniunnissat taamaatinneqarnerat pillugu: Timersornermut ilungersunartorujussuuvoq

- Sungiusaasoq misilittagaqarluartoq uatsinnut pingaaruteqarpoq, silamimi arsaannermi unammisartut pilerseqqinneqartussaapput, Island Gamesimullu aappaagu ingerlanneqartussamut peqataassallutik, KAK-imi siulittaasoq Finn Meinel oqarpoq.

Sungiusaasortaaq aggutsip 15-ianiit ulluni tallimani Nuummiissaaq, 21-aniillu ulluni arfinilinni Ilulissaniissalluni. Tassani arsaattartut piginnaasaat nalilersussagai, KAK allappoq.

Morten Rutkjærip illoqarfiit marluinnaat tikeraassavai, qaammatinilu tulliuttuni arsaattartunik Island Gamesimut aappaagu ingerlanneqartussamut ilaasussatut piukkussaminik toqqartuissalluni.

- Atorfinitsinneqarnera nuannaarutigaara, nalunngilaralu kalaallit inuusuttut arsaatillammaasut, siunissamilu nunanut allanut unammisartut nukittuumik inissinnissaat anguniassavara, Morten Rutkjær oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat