- Peqqinnermik timersornermullu atatillugu sianiginnittumik nikerartumik aaqqiissuteqaannartoqarsinnaannginnera paasisinnaanngilara, Finn Meinel oqarpoq.Assi: KNR

KAK pissartanngorniunnissat taamaatinneqarnerat pillugu: Timersornermut ilungersunartorujussuuvoq

Naalakkersuisut corona pillugu aqutsisoqatigiillu isikkamik arsarnermi pissartanngorniuttoqarnissaanut qinnuteqaatit itigartitsissutigaat.

- Pissartanngorniuutoqarnissaata taamaatinneqarnissaanut aalajangiinngilagut, malittarisassat kingunerat akuerigalugu pissartanngorniunnerit aaqqissuunneqarsinnaanngitsut oqaatigaarput.

Kalaallit Arsartartut Kattuffiata, KAK-p siulittaasua, Finn Meinel oqarpoq.

Taassuma Namminersorlutik Oqartussat Corona pillugu aqutsisoqatigiillu pissartanngorniunnerit qanoq aaqqissuunneqarsinnaaneranut siunnersuuteqarfiusumik sapaatip akunnerata naanerani ataatsimeeqatigai.

Katerisimaarnermut malittarisassat

Inuit amerlanerpaamik 100-it decembarip ulluisa 31-ata tungaanut illup iluani katersuussinnaapput. 

Silami inuit amerlanerpaamik 250-it katersuussinnaapput.

Kommunimit kommunimut angalaqqusaanngilaq. Namminersorlutik Oqartussat katerinnissat pillugit killilersuinerugallartunut nalunaarutaanni paragraf 2-mi allassimavoq:

"Aaqqissuussanut nalliuttorsiornernullu peqataanissamut nalunaarfigineqartariaqartunut atatillugu inuit kommuninit allaneersut aaqqissuussamut peqataanissamut nalunaarsinnaannginnissaat aaqqissuussisup qulakkiissavaa." 

Siunnersuutilli itigartitsissutigineqarput. Malittarisassammi allanngortinneqarsinnaanngillat.

AAMMA ATUARUK KAK: Isikkamik arsaannermi pissartanngorniuttoqarnissaa taamaatinneqarpoq

Nakorsaanermit Peqqinnissamullu naalakkersuisoqarfimmit akissutersivugut. Naalli siunnersuuteqaraluarluta pissartanngorniunnerit aaqqissuunnissaat illersorneqarsinnaanngissoraat.

- Tamanna isumaqatiginngilarput, kisianni taama akissutersivugut, taamaammat pissartanngorniutsitsisinnaanngilagut, Finn Meinel oqarpoq.

Taassuma akissut tupigutsaatigaa, aaqqiissummimmi nassaartoqarsinnaasimassangatikkalarpaa.

- Peqqinnermik timersornermullu atatillugu sianiginnittumik nikerartumik aaqqiissuteqaannartoqarsinnaannginnera paasisinnaanngilara, Finn Meinel oqarpoq.

Piffissaq timersornermut nuanninngitsoq

Corona pillugu malittarisassat pissartanngorniuunnernik aaqqissuussinissamut pilersaarusiornermut aporfiliingaatsiarput. Namminersorlutik Oqartussaniimmi nalunaarut nutaaq naapertorlugu kommunimiit kommunimut allamut angalalluni aaqqissuussinernut peqataanissamik nalunaarfigineqartussanut angalasoqaqqusaanngilaq.

Inuit amerlanerpaamik 100-it illup iluani katersuussinnaaneranut decembarip ulluisa 31-ata tungaanut atuuttumik malittarisassaqarpoq.

AAMMA ATUARUK KAK-p isikkamik arsaannermi pissartanngorniunnissat kinguartikkai

Inuillu amerlanerpaamik 250-it silami katersuussinnaapput.

Malittarisassat taakku nikinnavianngillat.

Finn Meinelip oqarnera naapertorlugu ukiup affaa tulliuttoq nunatsinni timersornermut nuannernavianngilaq.

- Uggornaqaaq, timersorneq sinnerlugu tamanna ajuusaarutigaara. Timersornerit tamarmik kommunerisat qimallugit sammisaqarfiusussat ukiup affaani aggersumi taamaatinneqarput. Tamanna timersornerni tamani sungiusariarnernut, unammiaarnernut pissartanngorniunnernullu atuuppoq. Timersornermut tamanna ilungersunartorujussuuvoq, isikkamik arsaannermut kisimi ilungersunanngilaq, Finn Meinel oqarpoq.

KNR Naalakkersuisunit oqaaseqartitsiniarsarivoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat