VIDEO SIK-p Inuusuttaasa Nunatta avataaniit suliartortitsisarneq atugaavallaarnerarpaat
Suliffissaaleqisut siornarnit amerleriarsimapput. Suliffissarsiortullu amerlavallaarneri Nunatta avataaniit tikisitanit suliartortitsisarnerup atorneqarpallaarneranik peqquteqartoq SIK-p Inuusuttaasa siulittaasuat isumaqarpoq.
Nunatsinnut suliartorlutik tikisitat amerlavallaarsorineqarput:
- Isumaqarpugut SIK-p Inuusuttaanit taakkua amerlavallaarujussuartut tikisitat, Angutinnguaq Schmidt SIK-p Inuusuttaanni siulittaasoq KNR-imut oqarpoq.
Aamma atuaruk Suliffissarsiortutut nalunaarsorsimasut amerleriarsimapput
- Annerpaaffilerneqartariaqarput taakkua avataaniit tikisinneqartartut taava taamaalilluni aamma nunaqavissunik suliffissaqartitsilertoqarsinnaagami, Angutinnguaq Schmidt oqarpoq.
Isornartorsiuinerli sulisitsisunit tunngavissaqarsorineqanngilaq.
- Amerlanerpaat ilinniagaqalernissaat sulissutigisarparput. Aamma inuusuttut sulinermik misilittagaqarunik kingusinnerusukkut ilinnialersinnaasarput, Karsten Klausen Sulisitsisuni inatsisitigut siunnersorti KNR-imut oqarpoq.
Aamma atuaruk VIDEO Inuusuttut suliffissaaleqisut sanasutut misiliinertinneqarput
Suliffissaaleqisuni inuusuttut 20-it 24-illu akornanni ukiullit amerlanerpaapput.
Taakkulu namminneerlutik suliffissarsiorsinnaasut Sulisitsisut isumaqarput.
- Inuusuttut amerlanerit suliffeqarfinnukarsinnaasuuppata, namminerlu qanoq iliuusissarsiortuuppata, aamma amerlanerit sulilersinnaassagaluarput, Karsten Klausen oqarpoq.
