SIK-p ASG-llu akuulersitsiniarnerup pitsaanerunissaa kissaatigaat

-  Akuleruttariaqarput, aamma uagut akulerutsittariaqarpagut,  SIK-p siulittaasua, Jess G. Berthelsen, oqarpoq.

ASG-p siulittasua, Martin Nis Bonde, taamatumunnga aamma isumaqataavoq.

- Aap uagut tamatumunnga ammaqaagut. Taamaaliorusuppugut.

Kattuffiit taakkua marluk Suleqatigiisitsisut nalunaarutaannut qisuariarput.

Partiip taassuma nunani allamiut, nunatsinnut suliartortut, akuulersinniarnerat pitsanngorsarniarpaa.

AAMMA ATUARUK Samarbejdspartiet vil hilse tilkaldt arbejdskraft velkommen

Kattuffiit taakkua marluk Suleqatigiisitsisut nalunaarutaannut qisuariarput.

Partiip taassuma nunani allamiut, nunatsinnut suliartortut, akuulersinniarnerat pitsanngorsarniarpaa.

Siulittaasut marluk isumaqarput, akuulernissaannut akisussaaffik tikittuniillunilu inuiaqatigiinniittoq. Jess G Berthelsen ima itisiliivoq:

- Tamatta akisussaaffeqarpugut. Maanga suliartortut akuleruttariaqarput, aamma uagut maani nunaqavissuusugut, avataaninngaanniit suliartortut aamma akulerutsittariaqarpagut.

Suleqatigiisitsisuneersup Tillie Martinussenip siunnersuutigaa, oqaatsinut pikkorissarnerit tikerlaanullu neqeroorutit pitsaanerulersineqassasut, Martin Nis Bondeli naapertorlugu aaqqiissuteqareertoq, taakkualu atuinnagassaasut.

Jess G Berthelsen akuulersitsiniarnermi aqqissutissatsialannik tikkuaasinaanngilaq, oqaatsinilli ilinniarnissap pingaartuunera oqaatigalugu.

AAMMA ATUARUK Kineserit suleqatigalugit nuannaraat

AAMMA ATUARUK Royal Greenland kinamiut pillugit innuttaasunik ataatsimiisitsiniartoq

 - Nalunngiinnarpara, oqaatsinik ilinniasagaanni ilinniarfik pitsaanerpaajusoq inuiaqatigiinnut akulerulluni, ulluinnarni peqatigalugit. Taamaalilluni oqaatsinik sukkanerusumik ilinniartoqarsinnaavoq.

Martin Nis Bondep inunnik ilisarisimasaqalernissap pingaassusianik oqarneq isumaqatigaa, tamannali tikittut maanilu najugaqareersut tamarmik akisussaaffigaat.

- Taamaassappat arlaasa ilisarisimasarilerusuttariaqarpaatsit. Inuimmi ilinnut ikinngutaalernissaannik pinngitsaalisinnaanngilatit.

Aamma suliartortut nunani allaneersut tamat oqallinneranni qanoq oqaluuserineqartarnissaata eqqarsaatiginissaa pingaartuusoraa:

AAMMA ATUARUK Siumut tikisitat taasisinnaatitaanerannik killiliiniartoq

- Immitsinnut nakkarsaalluta allartikkutta, suleqatigiinnissarput pitsaanngitsumik aallartiffeqassaaq. Tamannalu nakernartinngilarput. Ajornartorsiutaasut ilaannik iluarseeqataarusuppugut, Bonde oqarpoq.

Suleqatigiissitsisuneersup Tillie Martinussenip ilaatigut siunnersuutigaa, oqaatsinik pikkorissartitsinerit tikerlaanullu neqeroorutit tikisitanik inuiaqatigiinnut akuliutsitsisinnaasutut.  Martin Nis Bonde naapertorlugu iliuusissaqareerpoq, taakkuaakkua atuliinnagassat.