SIK: Naalakkeruisup siulittaasuata oqalugiaataa pitsaalluinnartoq
Naalakkersuisup siulittaasuata, Kim Kielsenip, ukiortaami oqalugiaataani ukiuni aggersuni suliniutissatut taakkartugai tassaapput SIK-p ilaasortaanut immikkut sunniuteqartussat.
SIK-mut isumalluarnaraluartut, akerliligassanik aamma ilaqarpoq.
Aamma atuaruk Kim Kielsenip ukiortaami oqalugiaataa
Sulinerup imminut akilersinnaanissaa matumani anguniarneqarpoq, amerlanerillu sulerusussuseqalernissaat neriuutaalluni. Anguniagarli SIK-mit illuatungilerneqarpoq.
- Beskæftigelsesfradragimik taaneqartartoq, taanna isumaqatigivallaanngilara maannakkummi suliffissaaleqisut 3200-pput. Imaanngilaq ilaasortagut sulerusunnginnamik kisianniuna suliffissaaleqigamik taamatut ullumikkut sulinngitsut, SIK-p siulittaasua Jess G. Berthelsen KNR-imut taama oqarpoq, nangillunilu:
- aamma eqqaamaneqartariaqarmat suliffissaaleqinerup nalaani ikiorsiissutit annikinniararsuummata nunatsinni, Danmarkimut sanilliullugu. Taamaattumik nunatsinnut qanoq tulluartiginersoq uanga apeqquserusuppara. Jess G. Berthelsen taama oqarpoq.
Naalakkersuisulli siulittaasuata oqalugiaataa ataatsimut isigalugu SIK-mut isumalluarnarpoq.
Aamma atuaruk Atassutip ukiortaami oqaaseqaataa
Tassami suliffissaaleqineq akiorneqassammat nunattalu aningaasaqarniarnera pitsanngorsarniarneqarnissaa neriorsuutigineqarluni:
- Ilaatigut aalisakkat naleqarnerulersinneqarnerput, nunatsinnilu takornariaqarneq aatsitassarsiornerlu nukittorsaavigineqarlutik, SIK-p siulittaasua Jess G. Berthelsen KNR-imut taama oqarpoq.
