Assi: Simon Uldum

Qulaarpaa SIK: Akileraarutit qaffanniarsigit

Akitsuutit taamaatillugit akileraarutit qaffanniarsigit. SIK-p isumaa taama ersaritsigaaq, taakkualu isumaqarput, aningaasanut inatsisissatut siunnersuut inuuniarnikkut assigiinngitsunik atugalinnut equngasumik eqquisoq.

Akitsuutinik qaffaanikkut nunatta karsia 100 millionit koruuningajannik immerneqassaaq. ikummatissanut akitsuut qaffattussanut ilaavoq, 60 millionit koruunink isertitsissutaassalluni.

AAMMA ATUARUK Amigartooruteqaannarnissaq mianersoqqussutigigaat

Aammali sukkut, tupanik tunisassiat ilaat neqilu eqqussuussaq akitsuutinit eqqugaassapput. Taamaaliornissarli isumassarsiatsialaanngilluinnartoq, SIK-p siulittasua Jess G Berthelsen isumaqarpoq.

- Allanik aningaasanik aallertoqarsinnaanngippat, taava pitsaaneruvoq akileraarut procentimik ataatsimik qaffakkaanni, taanna inuiaqatigiinnut tamanut naligiinnerusumik eqquissammat, Jess G. Berthelsen oqarpoq.

AAMMA ATUARUK Atugarissaarneq aarlerinartorsiortinneqartoq

Qulaarpaa unnugu aallakaatinneqarpat aningaasanut inatsisissatut siunnersuut sammineqassaaq. Qulaarpaa kalaallisut nal. 19.30, danskisullu nal. 20.30 aallartinneqassaaq.

 

Aamma takuuk knr.gl/qulaarpaa

 

Isummersuutit


 

Pages