Sermersuumi meeqqat pillugit suliat 800-it naammassineqartut
Isumaginninnermut pisortaqarfiup nalunaarusiaani aasaq paasineqarmat illoqarfiit pingaarnersaanni meeqqanut suliat amigaateqaqisut aliatsaatigineqaqaaq, akerliussutsimik takutitsineqarluni qulequtsiussorneqarlutillu.
Ilaatigut kommunip suliaani meeqqat ilaat sumiginninneqarlutik.
Taanna tunngavigalugu kommuunimi Meeqqanut Ilaqutariinnullu ataatsimiititaliaq suliniutinik annertoorujussuarnik aallartitsivoq. Ilaatigut sulianik ingerlasunik amigaatinillu kukkunersiuisussatut kukkunersiuisartut Deloitte sulisussarsiarineqarlutik.
Suliniut taanna tassaavoq sulianik ingerlasunik 2000-isunit 800-nik matusisoq, kommuuni tusagassiuutinut taama allappoq.
AAMMA ATUARUK Iliuuseqartoqarniarnera pitsaasuuvoq
Suliat matuneqartut tassaapput ajornanngittunnguamik aaqqinneqarsinnaasut, imaluunniit suliatut ingerlasutut atorfilittanit kukkuneqarsimasut. Tamannali Meeqqanut Inuusuttunullu ingerlatsivimmi pisortap Martha Lund Olsenip nuannaarutigaa.
- Suliassatta ukkatarisassatta aallulluarnissaannut maanna periarfissaqalerpugut, tamannami aqutsisunut suleqataasunullu pingaaruteqartorujussuuvoq, taanna oqarpoq.
Tamatuma tamatta nukissaqarnerulersissavaatigut ulluinnarnilu eqqissilluta sulisinnaanngortilluta, ilanngullugu oqarpoq.
Kommuneqarfik Sermersooq naapertorlugu maanna isumaginninnermut siunnersortit piumasaqaataat naammassineqarsinnaanngorpoq, tassalu suliat ataatsikkut 35-it suliaralugit.
AAMMA ATUARUK Nipaatsumik akerliussutsimik takutitsineq ersarissoq
AAMMA ATUARUK Meeqqanut tunngasunik suliat misissoqqissaarneqalerput
AAMMA ATUARUK Sermersuumi meeqqanut tunngatillugu suliat kukkunersiuisartup misissulerai
