Sermersuumi meeqqanut tunngatillugu suliat kukkunersiuisartup misissulerai
Suliffeqarfik kukkunersiuisartoq meeqqanullu tunngatillugu suliat kattuttarnerat nalinginnaasuunngikkaluarpoq. Kommuneqarfik Sermersuumili taama iliuuseqartoqalerpoq.
Kommunip kukkunersiuisartoq Deloitte kommunimi meeqqanut tunngatillugu sulianik 2200-uusunik misissuitissavaa. Nakkutilliisut kommunip meeqqanut tunngatillugu suliaqartarneranik qaammatit marluk matuma siorna isornartorsiuingaatsiareerneratigut taama suliniuteqartoqarpoq.
AAMMA ATUARUK Meeqqat illersuisuata nakkutilliisut nalunaarusiaat tupaallaatigaa
Deloittep meeqqanut tunngatillugu suliarpassuit kukkunersiorlugillu amigaataanik ujaasiffigissavai. Taakku saniatigut kukkunersiuisartup meeqqanut tunngatillugu sulliassaqarfimmi pitsanngorsaataasinnaasunik ujartuissaaq.
Kommunip Deloittep suliaqarnerata inernissaa qilanaarigai, Meeqqanut ilaqutariinnullu ingerlatsivimmi pisortaagallartoq, Helene Horsbrugh oqarpoq
- Suliassatsinnut pikkoriffeqalernissamut iluarsiissutigisassatuarput tassaavoq kukkussutsitta ilikkarfiginissaat, kommuni nittartakkamini taama allappoq.
AAMMA ATUARUK Sermersuumi isumaginninnikkut nakkutilliineq illersorneqarsinnaanngilaq
Deloittep kommunip sulisuisa meeqqanut tunngasunut suliassaqarfimmi ineriartortitsinissamik pilersaarusiornerannik aamma ikorfartussavai, soorlu kommunimi aqutsisut ilinniartitsinertalimmik, suliamik ilisimannittumik aqutsilernissaannut ineriartortitsinerannik ikiussallugit.
Deloittep ukiuni sisamani sulinissaanut 3,5 millionit koruunit atorneqassapput.
AAMMA ATUARUK Pisortat sumiginnaapput - politikeriunngitsut
AAMMA ATUARUK Nipaatsumik akerliussutsimik takutitsineq ersarissoq
