Politikki

Nalunaarusiaq Sermersuumi isumaginninnikkut nakkutilliineq illersorneqarsinnaanngilaq

Kommuneqarfik Sermersuumi meeqqanik inissiisarneq angajoqqaarsianillu akuersissuteqartarneq pillugu suliani aqutsineq ‘illersorneqarsinnaanngilaq’.

Aningaasat taakku Danmarkimi ilaqutariit kalaallit oqaasii kulturiallu eqqarsaatigalugit apersorneqartalernissaannut taakkununngalu kalaallisut paasissutissaliornermut atorneqassapput.

Allattoq Helle Nørrelund Sørensen

juunip 08-at 2017 06:57

Nutserisoq Simon Uldum -

Isumaginninnermut naalakkersuisoqarfiup nakkutilliinermi nalunaarusiaani taama inerniliisoqarpoq. Nittartagaq Sermitsiaq.AG taama allaaserisaqarpoq.

Nalunaarusiaq Ittoqqortoormiini, Paamiuni Nuummilu nakkutilliinermut atatillugu sulianik misissuisoqarneranik tunngaveqarpoq. Assersuutigalugulu Nuummi meeqqanik inissiineq pillugu suliat tamarmiusut 30 procentiinut tunngavigineqartunut takussutissat amigaataasut nakkutilliisut paasisimavaat.

Aamma Nuummi inunnik isumaginnittoqarfimmi suliat tamarmiusut affaat sinnerlugit iliuusissat pillugit pilersaarusiorfigineqarnissaat amigaatigineqarpoq.

AAMMA ATUARUK Sermersuup meeqqanut inuusuttunullu suliniutai Meeqqat Illersuisuata nuannaarutigigai

Suliallu ima ilungersunartigaat, nakkutilliisut “isumaginninnikkut sumiginnaasoqarsimanera” oqaatigalugu.

Kommuneqarfik Sermersuumi kommunaldirektøriugallartup, Lars Møller-Sørensenip, nalunaarusiaq “nikallornartutut” taavaa.

Pingaartumik Tasiilami isumaginninnikkut sumiginnaanermik suliarpassuit kingunerisaannik kommunimi isumaginninnikkut suliassaqarfimmut qanittukkut amerlanerusunik aningaasaliisoqarnera pissutigalugu.

AAMMA ATUARUK Martha Lund Olsen efterlyser handling fra Olsvig

AAMMA ATUARUK Kommunip isornartorsiorneqarnini akueraa

Nalunaarusiaq Sermersuumi isumaginninnikkut nakkutilliineq illersorneqarsinnaanngilaq

Aamma atuaruk