Pisortaq: Pisortat sumiginnaapput - politikeriunngitsut
Kommuneqarfik Sermersuumi meeqqanut inuusuttunullu isumaginninnermut missingersuutit 2011-miilli 92 millionit koruuninik qaffariaateqarput. Taamaakkaluartoq nakkutilliisut misissuereerlutik isornartorsiuipput.
- Oqaatigiuminartupilussuuvoq. Suliassaqarfimmi suliat pitsaanerusumik naammassiumallugit atortussatsinnik kissaateqaraangatta, kissaativut tamakkerlugit tunniunneqartarput, Kommuneqarfik Sermersuup pisortarigallagaa Lars Møller Sørensen oqarpoq.
Taassuma isumaginninnermut naalakkersuisoqarfimmit nakkutilliisut isornartorsiutaannut, kommunalbestyrelsi akisussaannginnerarpaa.
Kommunip politiinik suleqateqarnera nakkutilliisut isornartorsiorpaat, kommuni akisussaassuseqannginnerarlugu.
Kommunimili pisortaagallartoq naapertorlugu kommunimi pisortat siuttuunissartik sumiginnarsimavaat.
- Isumaginninnermi allaffimmmit nalunaaarutigineqartartoq tassaavoq suliat iluatsikkiartortut siuariartortoqalersorlu. Taava taama nalunaaruteqarneq upperigukku uppertikkuminarpallaarsimasunga oqartoqarsinnaavoq.
Kommunip isumaginninnermi immikkoortortaqarfik 2014-imi misissoqqissaarpaa, tassanilu siuttoqarnerup pitsaanerulerneranik kinguneqartussamik arlalinnik iliuuseqarlutik.
Tamakkuali iluaqutaasimanngillat.
Pisortat nukittorsarneqarput
Lars Møller Sørensen oqaluttuarpoq, kommuni apriiilimi qinersinerup kingorna aaqqissuussaanermi allannguisimasoq. Isumaginninnermi immikkortortaq siornatigut ataatsimik sulianut pisortaqaraluarpoq:
- Maanna pisortaqassaaq, pisortaqarfimmi sulisut pisortaqalissapput marlunnillu sulianut pisortaqalissalluni.
Tassalu kommunip pisortaa naapertorlugu nukinnik amigaateqanngikkaluarpoq, pitsaasumilli siuttuuneq maqaaasineqarluni. Tamannalu nakkutilliiartornermit nalunaarusiami inerniliussamut naapertuuppoq:
- Aap pakatsivunga, kisianni isumaqarpunga una massakkut isumaqatigiissutitsinnut nutaamik iluarsineqarnissaanut aamma ilungersuuteqassuugut, Kommuneqarfik Sermersuumi Meeqqanut Ilaqutariinnullu Ataatsimiititaliami siulittaasoq Uju Petersen (IA) Isumaginninnermi immikkoortoqarfimmut pakatsisimaarpoq:
- Suliaq annertooq isumaqarpugut kivikkusullugu. Una qinigaaffik ukiuni tulliuttuni sisamani isumaqarpugut aamma taanna suliassaq neriuppugut aamma isumaqatigiissutitsinnik suliassat taamaattut pinaveersaartinnissaat aamma uagut akisussaaffigaarput politikkikkut, Kommuneqarfik Sermersuumi Meeqqanut Ilaqutariinnullu Ataatsimiititaliami siulittaasoq Uju Petersen (IA) KNR-mut taama oqarpoq.
