Sermersooq Containerinik angerlarsimaffeqanngitsut inissaannik pisisoq
Nuummi qaammammi matumani inuit aalajangersimasumik najugaqarfeqanngitsutut 200-t missaanniittut borgmesterip siusinnerusukkut oqaatigaa.
Containerillu pisiarineqartut Nuummi umiarsualiornermut atatillugu sulisunit manna inigineqartuupput, taakkulu ilaatigut 2 milliuunit koruunilerlugit Kommuneqarfik Sermersuup pisiarivai.
Kommunalbestyrelsip Kommuneqarfik Sermersuumi allaffeqarfik qinnuigaat, angerlarsimaffeqanngitsut kikkut containerini unnuisarnissaannut innersuussinerit pitsaasumik ingerlanneqassasut.
- Inuusututtut Nuummi amerligaluttuinnartut angerlarsimaffeeruttarneri politikkip tungaatigut ernumanartutut isigaarput. taamaattumik inuusuttut angerlarsimaffeeruttartut ikiorneqarnissaat manna salliunneqartariaqartoq, borgmester Asii Chemnitz Narup oqarpoq.