SAR-imik suliaqarneq: Arctic Circle Trailimit SOS-imik nalunaaruteqartoqartoq

Angut argentinamiu Arctic Circle Trailikkut pisuttuarfimmit pingasunngornermi unnukkut SOS-imik nassitsivoq. Angut ajunngitsoq nassaarineqartoq, Kalaallit Nunaanni Politiit paasissutissiipput.

Allattoq Nicole Sander Bertelsen

septembarip 12-at 2024 10:11

Angut australiamiu Arctic Circle Trailikkut pisuttuarnermini Sisimiunit 35 kilometerimik ungasitsigisumit – narluinnartukkut aqqummit – SOS-imik nalunaaruteqarpoq.

- Nalunaarut tigugatsigu angut arlaleriarlugu attaviginiarsaraarput, iluatsinngitsumilli, pigaartut pisortaat, Carl Sværd oqarpoq.

Aamma atuaruk Politiit ullormut nalunaarutaat: Annaassiniartartut laserinik qinngornernik akornusersorneqartut

Tamanna iluatsinngimmat SAR-imik suliaqarneq aallartinneqarpoq, tassani ATV-t marluk sumiiffimmut angummik ujaasiartortinneqarlutik.

Nalunaarut nalunaaqutaq 20.14 tiguneqarpoq – akunnerillu sisamat qaangiuttut – tassa unnuap qeqqanngilaartoq – Issittumi Sakkutooqarfiup angut ajunngitsoq attavigisimallugu nalunaarutigaa. Angutip nassitsissut kukkunikkut aallartinneqarsimasoq oqaatigaa, Carl Sværd oqarpoq.

ATV-t marluk angummut aamma apuupput, Sisimiunilli uivernartoqanngitsumik uteqqillutik.

Nutaarsiassami kukkunermik nassaarsimaguit uunga allaffigineqarsinnaavugut.