Saqqummersitsineq "Sisimiuni ukioq 2068-mi naatsiivik "

Kalaallit Nunaanni kiatsissagaluarpat, nunatsinni naatsivik qanoq isikkoqarsinnaanersoq Bolatta Silis-Høegh-ip saqqummersitsinermini takutinniarpaa, taaguuteqartillugu " Haveforeningen Sisimiut anno 2068" Sisimiuni naatsiiviutillit peqatigiiffiat ukioq 2068imi. Naatsiivik taanna qorsooqqippoq, pakkalussanik timmiaaqqanillu uumasoqarluni, kiappasillunilu. Naatsiivimmi qamutit qimuttut qamutai palersaarfittut atorneqartussat Bolatta Silis-Høgh-ip sanasimavai, qamutit taakkua sila kiatsimmat qimussitut atorneqarsinnaajunnaarnerat takutinniarlugu. Annoraaq qaqortoq aasarsiutitut sanasimavaa, aammalu bikiniliorsimavoq puisit amiinik sanaaq, kiisalu kokos piniartunit piniarneqartussatut takorloorlugu saqqummersitaani ilaavoq. Silaannaap kiatsinnerata kingorna kalaallit kulturiata allannguutigisinnaasai quujanartunngorlugit Bolatta Silis-Høeg-ip saqqummersitsinermini ersersinniarpai.