Aarhusimi Kalaallit Illuutaani inersuarmik kulturileriffissamik sanasoqarnissaa pilersaarutigineqarpoq.Assi: Arkitektfirmaet Regnbuen

Kalaallit Illuutaat Sanaartugassaq millisinneqassasoq

Aningaasat aallaqqaammut naammapput - taava 2,5 millionit koruunit amigaataalerput. Aningaasalli maanna naammaqqilerput. Aarhusimi Kalaallit Illuutaata allilernissaa sivitsortumi suliarineqarpoq, allilerniarneranulli akornutaasoq kingulleq maanna peerneqarpoq.

Alliliinissaq sipaaruteqarfigineqarsimasoq, Kalaallit Illuata pisortaa, Jørn Holbech nassuiaavoq. Taamaammat sikkiliisiviit biilinulli inissiisarfiit sanaartorneqartussaagaluartullu allat sananeqanngiinnassapput.
 
- Aallaqqaammut naqqup ataani errorsisarfeqalernatalu nioqqutissanullu elevatoreqalissanngilagut. Taava aamma sanaartugassaq millivoq. Kisianni inersuassaq tunulliutinngilarput, tunuaniittunukua tunulliunniarivut. Tassa allaffissavut pilersaarutigigaluakkatsinnit allaanerulaassapput, Jørn Holbech oqarpoq.

AAMMA ATUARUK Aarhusimi Kalaallit Illuutaata allilerneqarnissaa qularnarsisoq

Aarhusimi Kalaallit Illuutaata allilernissaanut missingersuutit aallaqqaammut 12 millionit koruuniugaluarput, taakkunannga 6 millionit koruunit A.P Møllerip nuliatalu Chastine Mc-Kinney Møllerip siunertanut nalinginnaasunut aningaasaateqarfianit tunissutaallutik.

Missingersuutilli Danmarkimi sanaartortartut akisunerulernerisigut 2,5 millionit koruuninik qaangerneqarnissaat ukiaq paasinarsivoq.

AAMMA ATUARUK Kalaallit Illuutaat Aarhusimiittoq allilerneqalerpoq

Aningaasat taakku Kalaallit Illuutaata Namminersorlutik Oqartussat ataanut Ilinniartitaanermut Naalakkersuisoqarfimmut qinnutigigaluarpai.
 
Kalaallilli Illuutaata toqqavimmik piginnittuusoq, Aarhus Kommune, suleqatigalugu suliniutip naleqqussarnissaa aalajangerpaa, tassalu 12 millionit koruunit pilersaarutaasut atorlugit sanaartornissaq.
 
- Porchetaassallutik ilisimatinneqareerlutit BMW-miginnarmik tunineqaruit, nuannerpallaarnavianngilaq. Taamaakkaluartorli inernerusoq ajunngitsorujussuusoraara. Isumaqatigiissutigineqartorlu ajunngilluinnartuuvoq, pisortaq oqarpoq.

Sanaartornerli qaqugu aallartinneqassanersoq suli ilisimaneqanngitsoq, Jørn Holbech oqarpoq

AAMMA ATUARUK Kunstner udpeget til udsmykning af ny kultursal

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat