Aarhusimi Kalaallit Illuutaata allilerneqarnissaa qularnarsisoq
Illup ilassutissaanut titartakkat piareeqqapput, aningaasalersornissaanut sanaartornissamullu akuersissutit aamma inissereeraluarlutik. Taamaalilluni Aarhusimi Kalaallit illuata allilerneqarnissaanut piareersaatit inissereeraluarput.
Sanaartortussalli akinik qaffaareersullu Aarhusimi Kalaallit Illuata suliluunniit allilerneqarnera aallartinneqanngikkaluartoq unitsinneqaratarsinnaavoq. Illup ilassutissaa assigiinngitsunik sammisaqartitsiviusussatut pilersaarutaagaluarpoq.
AAMMA ATUARUK Eqqumiitsuliortoq kulturip inersuaarassaanut kusassaasussatut toqqarneqartoq
Sanaartornerulli iluani akit qaffarujussuarmata sanaartornissaq aallartinneqaraniluunniit unitsiinnarneqartariaqarsinnaavoq.
- Sanaartortussat neqeroorutaasa 2,5 millionit koruuninik qaffariaataa Ilinniartitaanermut naalakkersuisoqarfimmut qinnuteqaatigaarput, Jørgen Holbech Sermitsiaq.AG-mut taama ilisimatitsivoq.
Nittartagaq naapertorlugu aningaasaliissutissat akueritinnissaat pinartuuvoq, sanaartornissamut akuersissut ukiumi ataasiinnarmi atuutissammat.
AAMMA ATUARUK Kalaallit Illuutaat Aarhusimiittoq allilerneqalerpoq
