Eqqumiitsuliortoq kulturip inersuaarassaanut kusassaasussatut toqqarneqartoq
Siunissami Århusimi Kalaallit Illuutaannut pulaartui Nanna Annike Nikolajsenip eqqumiitsuliaanik qimerluuisinnaanngussapput.
Eqqumiitsuliortoq 34-nik ukiulik Det Kongelige Danske Kunstakademi 2016-imi eqqumiitsuliortutut naammassivoq, Uummannami meeraasimavoq Tunumilu inuusuttuusimalluni.
Eqqumiitsuliortoq Nanna Annike Nikolajsen kalaallit oqaasiinut inuinullu tunngasunik soqutigisaqartuuvoq eqqumiitsuliaanilu tamanna takuneqarsinnaasarluni, tamannalu toqqagaaneranut peqqutaaqataasimavoq.
- Angerlarsimasutut misigititsisumik pinngoratitserusuppunga, aamma tupaallannartuutikkusuppara Kalaallit Nunaat misigisinnaallugu - takorloorpara tiguartinnartuullunilu isigiuminartuussasoq, puigunaatsuussasoq takusassarpassuartaqarlunilu, eqqumiitsuliortoq Kalaallit illuutaannut qinnuteqaammini allappoq.
AAMMA ATUARUK Kalaallit Illuutaat Aarhusimiittoq allilerneqalerpoq
Kulturip inersuaarassaa pinnersarnertaalu 21. juuniani, inuiattut ullorsiornitsinni piareersimanissaa naatsorsuutigineqarpoq.
Århusimi Kalaallit Illuutaata allisarnera RUBOW arkitekterinit titartarneqarpoq, A. P. Møller Fonden aningaasaliisuulluni.
AAMMA ATUARUK Kalaallip qiperugaa Københavnimi iliveqarfimmi tuppallersarfiussasoq