Ruttep NATO-mi qullersanngornissaa NATO-mi nunat annerit tapersersoraat
Mark Ruttep NATO-mi qullersanngornissaa, NATO-mi nunat annerisa, tassa USA-p, Frankrigip, Tysklandip Tuluit Nunaatalu, tapersersorpaat.
Hollandimi ministeriunerugallartoq Mark Rutte NATO-mi qullersassatut piukkoortoq, USA-p NATO-mi aallartitaata Julianne Smithip oqaatigaa.
Allattoq Ritzau
februaarip 23-at 2024 12:16
Nutserisoq Mads Lynge
Hollandimi ministeriunerugallartup Mark Ruttep nunat killiit illersoqatigiiffianni NATO-mi qullersanngornissaa tapersersorlugu, NATO-mi nunat annerisa, tassa USA-p, Frankrigip, Tysklandip Tuluit Nunaatalu nalunaarutigaat.
Ruttep NATO-mi qullersanngornissaa inissaminiilluartoq, USA-p præsidentiata illorsuanit oqaatigineqarpoq.
Jens Stoltenberg NATO-mi qullersatut qaammatialuit qaangiuppata tunuartussaavoq, kingoraartissaalu taamaalippat sulilernissamut piareeersinnaasoq, USA-p NATO-mi aallartitaata Julianne Smithip oqaatigaa.
Rutte NATO-mi qullersassatut piukkoortoq, Julianne Smithip sapaatit akunnerata massuma ingerlanerani oqaatigaa.
Stoltenberg NATO-mi qullersatut ukiuni qulini sulereerluni kingusinnerpaamik ukiaru tunuartussaavoq.
