NATO: Stoltenberg NATO-mi suli ukiumi ataatsimi qullersaassasoq

NATO-mi suli qullersaanissi isumaqatigiissutigigitsik, Norgemiu Jens Stoltenberg ilisimatitsivoq.

Allattoq Helle Nørrelund Sørensen

juulip 04-at 2023 12:48

Nutserisoq Karline Platou

Jens Stoltenberg norskiusoq Twitterikkut ullumi marlunngornermi allalluni nalunaarpoq, Natomi ilaasortat tassa Nunat killiit illersoqatigiiffiani ilaasortat isumaqatigiissutigisimagaat Jens Stoltenberg generalsekretæritut 2024-mi oktobarip aallaqqaataata tungaanut ingerlaqqissasoq.

Natomi illersoqatigiit isumaqatigiissutigalugu aalajangiussimavaat Ukrainemi pinartumik sorsuttoqarnerata nalaani pisut pinartut qeqqinnaani allamik taarsiinngikkaluarlutik siuttumik misilittagaqarluartumik siuttoqarnissartik ingerlatiinnarniarlugu.

Aamma atuarukMette Frederiksen NATO-mi qullersanngorsinnaaneragaanerminut: Atorfimmik allamik ujaasinngilanga

Stoltenberg siusinnerusukkut Norgemi ministeriunerusimasoq 2014-mili NATO-mi generalsekretæritut atuutilerpoq, taamatullu inissisimanera arlaleriarlugu aamma sivitsorneqartareerpoq.

Danskit ministeriunerat Mette Frederiksen NATO-mi siuttooratarsinnaasoq aamma eqqaaneqarpoq, kisianni siuttuugallartutut inissisimassagaluarluni.

Mette Frederiksenilli NATO-mi generalsekretæritut inissinniarneqartaraluarnini arlaleriarluni aamma itigartitsissutigisareeraa tusarfiit oqaluttuarput.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.