Hollandip oqaluttuarisaanerani sivisunerpaamik ministeriunerusoq qinigassanngorteqqinnianngitsoq
Qimaasunut politikkimut isumaqatigiissinnaannginneq Hollandip naalakkersuisuisa ajalusoornerannut peqqutaavoq. Qinigassanngorteqqinnaviarnani, Hollandip ministeriunera Mark Rutte nalunaarpoq.
Ruttep naalakkersuisui tunuarniartut tallimanngormat nalunaarutigineqarpoq. Qimaasunut politikkimut isumaqatigiissinnaannginneq tamatumunnga pissutaavoq.
Allattoq Ritzau
juulip 10-at 2023 13:23
Nutserisoq Ivik Kristiansen
Hollandip ministeriunera, Mark Rutte, tallimassaanik ministeriunertut atuuffeqarnissaminut qinigassanngortinnaviarnani Hollandip naalakkersuisui ajalusooreersut ullumi ataasinngornermi nalunaarpoq.
Novembarimi qinersisoqareerpat Hollandimi politikkimit tunuarniarluni, taanna oqarpoq.
Mark Ruttep naalakkersuisoqatigiivi partiinit sisamanit ilaaffigineqartut ukiup aappaa affaq atuupput.
Ruttep naalakkersuisui tunuarniartut tallimanngormat nalunaarutigineqarpoq. Qimaasunut politikkimut isumaqatigiissinnaannginneq tamatumunnga pissutaavoq.
Hollandip ministeriunera 56-inik ukiulik, Mark Rutte, Hollandip oqaluttuarisaanerani sivisunerpaamik ministeriuneruvoq.
