Royal Greenlandip kilisaataataa Sisimiut eqqaani kivivoq
Nutarterneqarpoq nal. 17:00 Royal Greenlandimit ilanngussaq.
Taama nalunaaruteqartuuvoq, Royal Greenlandip kilisaataata Lomur, taassuma ajornartorsiulernera pillugu ajunaalernermik kalerrisaarivoq kivilermallu.
Taama oqaluttuarpoq Issittumi Sakkutooqarfimmi tusagassiisarneq pillugu oqartussaasoq Camillla Schouw Broholm aviisimut Sermitsiaq.AG-mut.
Det fortæller presseansvarlig i Arktisk Kommando, Camilla Schouw Broholm, til Sermitsiaq.
Kilisaat Lomur ajunaalernermik kalerrisaarummik nassitsigami Sisimiut kujatinnguaniippoq.
Issittumi sakkutooqarfik Aasiaat Radioanit ajunaalersoqarneranik nalunaarfigineqarpoq, tamatumalu kingorna Issittumi Sakkutooqarfik Kalaallit Nunaannilu politiit suleqatigiillutik sinerissammi nakkutilliissut Hvidbjørnen aamma politiit angallataat Ilik Lomurip tungaanukartippaat.
Kilisaammi inuttat sukkasuumik iliuuseqarlutik annanniutinut ikipput,kinguninngualu politiit angallataannut Ilimmut ikineqarlutik. Pisup kingorna kilisaammi inuttat tamarmik ajunngillat.
- Kilisaammi Lomurimi inuttat iliuuseqapallallutik annanniutinut ikilertorput, Camilla Schouw Broholm aviisimi Sermitsiaq AGmi taama issuarneqarpoq
Sermitsiami paasissutissiissutigineqartut naapertorlugit, Lumorimi inuttat Sisimiut umiarsualivianut unnuaq pingasunut qiteqquttoq tikipput, kilissaallu Lomur ullaassaq sisamat missaanni kivilluni
Suliaq imarsiornermut aqutsisoqarfimmut tunniunneqarpoq pisorlu tassani misissorneqassalluni.
Royal Greenland tusagassiuutinut nalunaaruteqarluni ima allappoq:
- Issittumi sakkutooqarfik , Kalaallit Nunaanni politiit allallu pinasuartumik annaassiniarneri inuttallu ajunnginnissaat pillugit iliuuseqarneri pillugit qujaniarnerput ersersikkumavarput. Iliuuseqarnerat annaassisuuvoq, Royal Greenland tusagassiuutinut nalunaarummi taama allappoq.
Issittumi sakkutooqarfik KNR-imit oqaaseqartinniarsaraarput.
