Royal Greenland Tunumeersunik sulisussarsisoq
Royal Greenlandip Tasiilameersut nunaqarfiineersullu 27-t kitaani tunisassiorfinni apriilip maajiluunniit aallartinnerani suliffissaannik neqeroorfigissavai.
Royal Greenland sulisoqarnermut immikkoortortaqarfia sulisussarsiornermut atatillugu marloriarluni Tasiilamiippoq. Oqaloqatiginninnerit immersuiffiillu iluaqutigalugit 27-t toqqarneqarput, taakkualupisariaqartinneqarnialeriarpata suliffissamik neqeroorfigineqassasut, Royal Greenland nittartakkamini allappoq.
AAMMA ATUARUK Royal Greenlandimi sulisut MIO aningaasanik tunissuteqarfigigaat
Piginneqatigiiffittaaq aamma allappoq, kitaani sineriammi sulisussarsiuminaatsitsigamik Tunumi sulisussarsiortariaqarsimallutik. Royal Greenlandip suliffiit inuttaqanngitsut inuttalernissaannut Asiamisiusinnerusukkut sulisussasiornikuuvoq.
Tunumiut 27-t Maniitsumiit avannammut Aappilattoq tikillugu tunisassiorfinni sulissapput. Namminersorlutik Oqartussat taakku angalanerat akilissavaat, Royal Greenlandillu inissaqartinnissaat isumagissallugu.
AAMMA ATUARUK Royal Greenland nunatsinneersunik sulilersitsisariaqarpoq
