Royal Greenlandimi sulisut MIO aningaasanik tunissuteqarfigigaat

Juullilernerani Danmarkimi eqquiniaatitsinermi makitsineq Kalaallit meerartaannut iluaqutaasussanngorpoq.
Meeqqat Illersuisuata Aviâja Egede Lyngep Royal Greenlandimi sulisut tunissutaannut 25.000 koruuninut tigusisuuvoq, Royal Greenlandimilu tuniniaanermi ingerlatsisoq Malik Hegelund Olsen tunniussisuuvoq. Assi © : John David Eriksen/Royal Greenland
Allattoq Karsten Sommer
marsip 14-at 2018 11:46
Nutserisoq Mads Lynge

Royal Greenlandimi akilersuisarfittut sillimmasiisarfimmi Atradiusimi makitsinikkut eqqugassanik annerpaamik 25.000 koruuninik eqquivoq, aningaasallu Meeqqat Pisinnaatitaaffiinut Sullissivimmut MIO-mut ippassaq marlunngornermi tunissutigineqarput.

Juullilernerani eqquiniaatitsineq Royal Greenlandip Atradiusimi sullinneqartartutut peqataaffigisaa suliffeqarfinnit 509-nit siorna Juullilernerani peqataaffigineqarpoq, Royal Greenlandilu tassa eqqugassat annersaat 25.000 koruuninik aningaasartalik eqqorpaa.

Assi © : John David Eriksen/Royal Greenland

Eqquiniaassutinit katillugit 61.767-iusunit 1986-it Royal Greenlandimi sulisunit 107-iusunut suleqatigiinnikkut katersorneqarput, Royal Greenlandillu eqqugassat annersaannik tassa eqquivoq.

- Royal Greenlandip Svenstrupimi sulisui qutsavigaavut. Tunissutigineqartoq qujamasuutigeqaarput. Aningaasat Kalaallit Nunaanni meeqqat atugaasa pitsanngorsarneqarnerannut atorneqarumaarput, Meeqqat Illersuisuat Aviâja Egede Lynge, tusagassiutinut nalunaarummi taama oqarpoq.