RG-mi pisortat niapangersimasussaatitaajunnaaqquaat
Royal Greenlandimi pisortat siulittaasutullu tunuartoq Elias Larsen suliffeqarfissuarmi pissutsit pillugit oqaaseqarsinnaalerseqqullugit Demokraatit naalakkersuisunut saaffiginnipput.
-Royal Greenlandimi pisortat siulersuisunilu ilaasortat aktieselskabinut inatsit naapertorlugu nipangersimasussaatitaapput, tamannalu ajunngikkaluarpoq, kisianni inuit ilisimannittut oqaaseqarsinnaanerat qulakkeerniaraanni oqaaseqarsinnaanerannut piginnittut akuersisariaqarput, Demokraatineersoq Per Skaaning oqarpoq.
Demokraatit paaserusuppaat suna tunngavigalugu naalakkersuisuni ilaasortaq Jørgen Wæver Johansen AG-mut oqarsimanersoq Elias Larsen sept.-ip 14-anni siulittaasutut tunuarmat aatsaat Royal Greenlandimi ajornartorsiuteqartoqarnera paasisimagini.
Taama oqarneq siulittaasunngortinneqaraluarluni tunuartup Ole Kielmann hansenip nassuiaaneranut akerliuvoq, taannami oqarpoq Royal Greenaldnimi pissutsit pillugit piginnittut arlaleriarlutik oqaloqatigeriartarsimagaluaritik, iluatsitsissanatilli.
