RAL-imit sullinneqartut akigititat pingaartinnerugaat
- Assartuussinermut akigititat uagutsinnut pingaaruteqartupilussuupput, assartugassalli Danmarkimi umiarsualivimmit sorlermit nassiunneqarnersut pingaaaruteqarpallaanngilaq, Kalaallit Nunaanni Brugsenimi pisiniartarnermi pisortaq, Brian Chemnitz Royal Arctic Linep Aalborgip umiarsualivianik 2019-imi atuiunnaannissamik pilersaarutaa pillugu taama oqarpoq.
Aamma atuaruk RAL-ip Aalborgimut umiartorneq unitsippaa
Pisiniartarnermilu pisortaq naapertorlugu Brugsenip nioqqutissami 80 procentii Danmarkimi COOP-imit pisarpai. COOP Aalborgip kujataata tungaani quersuaqarpoq, taamaammallu nioqqutissat Danmarkimi takinerusumik assartorneqartalissapput. Tamannali Brugsenip nioqqutissaanut akisunerulertitsinavianngitsoq, pisisartarnermi pisortaq isumaqarpoq.
Nioqqutissammi Nunatsinnut assartorneqarnerannut akigititat akinut sunniuteqartussaasuuvoq.
Aamma atuaruk Aalborgip umiarsualiviata Royal Arctic Line tatiniarsarigaa
Aamma atuaruk RAL: Nalunngilarput Aalborgip umiarsualivianut tusarluarnerunngitsoq
Assartuinerusalernissaq brugsenimut iluaqutaasussaq
Aamma Royal Arctic Line ukioq kaajallallugu sapaatit akunnikkuutaartumik assartuisinnaanngussappat Brugsenimut iluaqutaasorujussuussaaq. Royal Arctic Linemmi ullut qulingiluakkaarlugit aqqaneq marlukkaarlugilluunniit ukiup sisamararterutaani siullermi assartuussisarnera Brugsenimut akisuvoq.
- Tamanna uagutsinnut unammillernartorujussuuvoq akisoorujussuullunilu. Piffissammi ilaani nioqqutissaatigut amigartarput igitsisariaqartarlutalu, Brian Chemnitz oqarpoq.
Aamma atuaruk Nunatsinnut assartuisarnerit RAL-ip amerlisarusukkai
Aamma atuaruk Aarhusip Umiarsualivia Royal Arctic Linep siunissami atorniaraa
Danmarkimi umiarsualivik usilersorfik sorliunersoq pingaaruteqarpallanngitsoq, Pilersuisumi assaartugassanik ataqatigiissaarisoq, Kurt Lauritsen naliliivoq.
- Nioqqutissat Aalborbimit Aarhusimiilluunniit assartorneqarnersut ingerlaannaq kinguneqarnavianngilaq, Kurt Laritsen oqarpoq.
Umiarsuit ataqatigiissaarnissaat pingaartinneqartoq
Assartuussinermut akit ineriartornerisa saniatigut assaartuussinerulerneq pisisartunut tamanut iluaqutaassanersoq, Kurt Lauritsenip eqqumaffiginiarpaa.
- Umiarsuit mikinerusut Nuummit aallartartussat umiarsuit atlantikukkoortartunut tulluussarluarneqarnissaat uagutsinnut pingaaruteqarpoq, Kurt Lauritsen oqarpoq.
Akigititat Royal Greenlandimit aamma pingaartinneqarput.
- Periarfissanik takusaqarsinnaavugut. Assartuussinermulli akigititanik qanoq neqeroorfigineqarnissarput apeqqutaavoq, Royal Greenlandimi pisortaq, Mikael Thinghuus KNR-imut allappoq.
Aamma atuaruk RAL-ip Aalborgimiikkunnaanera inuussutissarsiornermik eqquisinnaavoq
