Illoqarfiup siulersortaa: RAL-ip Aalborgimut umiartorneq unitsippaa
- Taama nalunaaruteqarneq uissuumminarpoq isumaqatigiissutitsinnillu atorunnaarsitsinerulluni, Aalborgip borgmestria tupigusuttorujussuaq Thomas Kastrup-Larsen aviisimut oqarpoq.
- Ukioq ataaseq qaangiuttoq RAL ilisimatitsivoq Aalborgip umiarsualivianik 2022-ip tungaanut aallaaveqarnissamik isumaqatigiissuteqarneq tapersersorlugu, borgmesteri tupassimaqisoq taama oqarpoq.
Aalborgip umiarsualiaviani siulersuisut ippassaq pingasunngornermi ataatsimiigiaqqugasuarneqarput Royal Arctic Linep pisortaatalu Verner Hammekenip aamma Aalborgip umiarsualiviani pisortap Claus Holsteinip nalunaarut uppernarsarpaat.
Aalborgip umiarsualiviata taama nalunaaruteqarnerup kingunerisassai maanna nalilersorpai.
Qanorluunniit kinguneqaraluarpat Royal Arctic Linep Aalborg aallaavittut 2022-ip tungaanut umiarsualivigissagaa allanngortinneqanngilaq.
