Radio Inuna marlunngornermi aallartissaaq
Nutaanik tusarnaagassaqarusuleruit Danmarkimi kalaallisut radiokkut aallakaatitsineq nutaaq, Radio Inuna tusarnaarsinnaanngungajalerpat.
Radiop podcasti siulleq ’Nuissani katersortarfik’-mik atilik marlunngornermi aallakaatissavaa.
Radio Inuna Holstebromi Nordisk Teaterlaboratorium suleqatigalugu aallakaatitassarineqarpoq, aallakaatitassiamillu siullermik saqqummiussinermi qaaqqusat tusarnaarsinnaasavaat ilaatigut Holstebromi borgmesteri H.C. Østerby (S) oqalugiartoq, kalaallisut erinarsoqatigiinneq kalattoortunillu isiginnaarlutik.
Radio piviusunngortinneqarpoq Danmarkimi kalaallisut radiokkut 2025-ip tungaanut aallakaatitsisarnissamut 7 million koruuninik immikkoortitsisoqassasoq Folketingi 2021-mi aalajangerneqarmat.
Kalaallisut radiokkut nutaamik aallakaatitassiornissamut Slots- og Kulturstyrelsen 2022-mi ukiakkut qinnuteqaqqusimmat katillugit arfineq pingasut qinnuteqarput.
Radio Inunalu, nipilersortartumik Arnannguaq Gerstrømimik suliniummut aqutsisoqartoq, qinnuteqaqqusinermi ajugaasuuvoq.
Radio Inuna nittartagaa inuna.dk aamma tusarnaagassanik neqerooruteqartarfik Spotify aqqutigalugit tusarnaarsinnaavat, soorlu aamma nittartakkani attaveqaqatigiiffinni malinnaaffigisinnaagit.
