Mittarfiliortiternissaq: Qujaukitsoq nuannaarpoq oqiliallallunilu
-Nuannaarpunga aamma tulluusimaarpunga, kiisami suliap naammassineqarneranut, mittarfiliortitsernissamut siunneersuut sisamanngornermi ualikkut akuersissutigineqareersorlu, Vittus Qujaukitsoq tusagassiortut naapikkamigit taama oqarpoq.
Naalakkersuisut akisussaasutut politikkerit akunnerni tallimani oqallillutillu apeqqarissaarneranni akissuteqartarlunilu apeqqutinut kingullernut akissuteqartarpoq.
Illua tungiliuttut isumaqarput Danmarkip Nuummi Ilulissanilu mittarfinnik piginneqataanermigut oqaasissaqarpallaalersinnaasoq.
AAMMA ATUARUK Mittarfiit pillugit avatangiisinut nalunaarut tusarniaassutigineqaqqittoq
Qujaukitsorli ima oqarpoq:
- Piginneqataasuusoq Danmarkiuguni imaluunniit naalagaaffik allaaguni, oqartussaaqataassuseqarnissani piumasarisimassagunaraluarpaa, aningaasaliissutini annaajumanagit.
Illuatungiliuttunittaaq isornartorsiuteqangaatsiartut ilagaat, Kangerlussuup Narsarsuullu siunissaat suli oqallisigineqannginnerat.
- Isornartorsiut ilumoorullugu tusarnaarparput. Innuttaasut siunissartik pillugu toqqissisimannginnerat, naalakkersuisunit ilungersunartutut tiguarput.
Kangerlussuup Narsarsuullu maanna inissisimalerfiat kommunit Mittarfeqarfiillu suleqatigalugit qulaajarniarumaaritik, Qujaukitsoq oqarpoq.
AAMMA ATUARUK Mittarfinnut pilersaarut akuerineqarpoq