Nuuk: Mittarfiit pillugit avatangiisinut nalunaarut tusarniaassutigineqaqqittoq

Nuummi mittarfissap avatangiisinut sunniutissai pillugit nassuiaat tusarniaassutigineqaqqippoq.

Mittarfiit pillugit pilersaarut ippassaq sisamanngornermi akuerineqareersorlu - Avatangiisinut Sunniutissat pillugit nassuiaat, ASN nutaamik sapaatit akunnerini sisamani tamanut ammasumik tusarniaassutigineqartussanngorpoq.

AAMMA ATUARUK Mittarfinnut pilersaarut akuerineqarpoq

Tusarniaanermut atatillugu Kalaallit Airports A/S, sanaartugassamut sanatitsisuusoq, Nuummi Katuami innuttaasunik decembarip ulluisa aqqarnganni nal. 19.00 ataatsimiititsissaaq. Tusarniaanermullu akissutit decembarip ulluisa 14-annut killeqarpoq.

ASN-imut nassuiaat siorna tamanut ammasumik tusarniaassutigineqarpoq. Nutaamillu tusarniaanermut nassuiaammi allannguutit annertuut, ilaatigut nipip sunniutissaannut, isumalluutinik atuinermut, nunamik mingutsitsinermut, nunap qaani imermut, imermut errortuivikumut aammalu pinaveersaartitsilluni iliuutsinut tunngasut peqqutaapput.

AAMMA ATUARUK Mittarfinnut pilersaarut pillugu ilisimasaqarnerulerit

ASN-imut nassuiaat tunngavigalugu sanaartugassap avatangiisinut sunniutissai akuersaarneqarsinnaanersut, kiisalu suliassap ASN-imut akuersissummik tunineqarnissaanut piumasaqaatit suussanersut Naalakkersuisut isummerfigissavaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat