Kalaallit Nunaata siunissaa pillugu akerleriinneq sakkortuseqqissappat,  folketingimut marsip 24-anni qinersinissap tungaanut qineqqusaarneq akornuserneqarsinnaavoq.

Aarhus Universitetimi qinersinermik ilisimatusartoq, Rune Stubager, taama naliliivoq.

- Politikerit soorlu Mette Frederiksenip (S) aamma Lars Løkke Rasmussenip (M) nukitik qineqqusaarnermut atornagit Kalaallit Nunaannut tunngatillugu akerleriissummut atortariaqarsinnaavaat.

- USA-mi pisortaqarfik nutaanik saqqummiussaqaqqissappat, tamanna qineqqusaarnermut akornutaasinnaavoq, taanna oqarpoq.

 Nunap isumannaatsuunerata ajornartorsiornerata nalaani qaqutiguinnaq qineqqusaartoqarsimasoq, Rune Stubager tikkuaavoq.

Løkkep qineqqusaarnermut piffissaq tamaat atorsinnaanngippagu, Moderaterne ajornerpaamik eqqugaassasut, Stubager tikkuaavoq.

- Nunanut allanut ministereqarfik partiimut pingaaruteqangaartuusoq oqartoqarsinnaavoq - ingammik qineqqusaarnermi, ilisimatusartoq oqarpoq.

Marsip 24-anni qinersineq

USA-p præsidentiata Donald Trumpip Amerikamiut umiarsuaat napparsimmavik Kalaallit Nunaannut aallartinneqassasoq kingullermik nalunaarutigaa.

Naalakkersuisut siulittaasuata Jens-Frederik Nielsenip tamanna erseqqissumik itigartippaa.

- Maanngaanniit qujaannarpugut, taanna Facebookimi allappoq.

Danmarkip, Kalaallit Nunaata USA-llu akornanni akerleriinneq Donald Trumpip Kalaallit Nunaat aqunniarsaralugu oqarmat, januaarimi sakkortusivoq.

Sakkutuulersorluni tiguaanissaq aallaqqaammut tunuarsimaarfiginnginnerarpaa - kingusinnerusukkulli tunuarsimaarfigineralerlugu.

Løkkep nunanut allanut ministeri Vivian Motzfeldt Washingtonimi januaarimi ataatsimiigiaqatigivaa, tassani Kalaallit Nunaat pillugu apeqqut Amerikamiut naalakkersuisui – ilaatigut vicepræsident J.D. Vance – peqatigalugit, oqaloqatigiissutigineqalerpoq.

Ataatsimeersuarnermi diplomatii atorlugu aaqqiissutissamik nassaarniartumik suleqatigiissitaliortoqassasoq isumaqatigiissutigineqarpoq. 

Donald Trumpili Kalaallit Nunaat pillugu nutaanik nalunaaruteqassappat tamanna qineqqusaarnermi pingaarutilimmik sunniuteqarsinnaasoq, Rune Stubager naliliivoq.

Mette Frederiksenip Folketingimut qinersinissaq Folketingip oqalugiartarfianit sisamanngornermi suaarutigaa. 

Marsip 24-anni qinersisoqassaaq.

/ritzau/