Kommuninut qineqqusaarnermi pisarnermit tunuarsimaarnerusoqarpoq. USA-p præsidentiata nunatsinnik aqutsilerusunnermik sioorasaarinera, Inatsisartunut qinersisoqarnera naalakkersuisoqatigiiliorniarnerillu, Usha Vancellu tikeraarnissaa taamaatiinnarneqartoq.

Kommuninulli qinersinerup pingaaruteqarnera avaqqunneqarsinnaanngilaq. Kommunit suliassaat imaannaanngitsuupput, atuarfiimmi, upalungaarsimanianerit paaqqutarinniffiillu kommunimit ilaatigut akisussaaffigineqarput.

Kommunini ataasiakkaani suut maluginiarneqartariaqarnersut KNR-imit oqaluttuariniarsarissavarput, Kommune Kujallermilu aallartissaagut.

Kommune Kujalleq

Suliassat ilungersunartut Kommune Kujallermi imaaginnavissimapput, inatsisartunullu qinersinermi inernerit qiviaraanni borgmesterimut Stine Egedemut (IA) tamanna eqquinerlussimavoq. Assi © : KNR/Jørgen Semionsen

Kommune Kujallermi borgmesteri Stine Egede, Inuit Ataqatigiinneersoq, ajornartorsiuterpassuaqarpoq, suliat ilungersunartut arlallit suliassarisimallugit.

Borgmesteri kommunip aningaasaqarnerani torersaaniarluni qinigaagami neriorsuuteqarpoq. Taassuma unammilligassat annertoorujussuusut neriorsuuteqarnerminit ukiut sisamat qaangiunnerini paasivaa.

Isumaginnittoqarfimmik suliassat pillugit ikiorneqarnissani kommunip inatsisartunut kissaatigisimavaa, soorluttaaq kommunip aningaasaqarnerata aqunneqarnera tukassimaqisoq. Aningaasarsiornermut professori TV2-mut taama oqarpoq.

Kommuninut 2021-mi qinersisoqarmat inatsisartunut ulloq taanna aamma qinersisoqarpoq, Kuannersuarnilu suliniutip akerlilerneqarnera Inuit Ataqatigiit taamanikkut angusarissaassutigaat. Tamannali maanna allanngornikuuvoq, inatsisartunummi ukioq manna qinersisoqarmat Stine Egede 33-iinnarnit taaguunneqarpoq.

Demokraatit inatsisartunut qinersinermi angusarissaarput, Kommune Kujallermilu borgmesterissatut unammillertit pingaarnerit tassaapput Margrethe Thaarup Andersen, Demokraatineersoq, Simon Simonsenilu Siumumeersoq.

Kommuneqarfik Sermersooq

De tre kandidater minder om hinanden i Kommuneqarfik Sermersooq. Alle fortæller, at de samarbejder godt med hinanden. Hvad resultatet bliver, kan ingen forudse.

Kommune med tre borgmesterkandidater. Forsvarende borgmester Avaaraq S. Olsen (IA), Martha Abelsen (S) og Poul Petersen (D).

Valgkampen har været afdæmpet. Avaaraq Olsen forsvarer sin borgmesterperiode med, at hun har skabt samarbejde og stabilitet – måske endda for meget.

Kommuneqarfik Sermersuumi borgmesterissatut piukkoortut pingasuupput. Tassa maanna borgmesteri Avaaraq Olsen, Inuit Ataqatigiinneersoq, Martha Abelsen, Sumumeersoq, kiisalu Poul Petersen Demokraatineersoq.
Avaaraq Olsenip qineqqusaarnermini oqaatigaa kommunimi suleqigiilersitsimallunilu aalaakkaasumik sulisoqalersimasoq. Avaaraq Olsenili immaqa saqqumilaarpallaarsimanngilaq.

Martha Abelsenimmi borgmesteri innuttaasunut tunumiunullu saqqumilaanngippallaarnerarlugu isornartorsiorpaa naak Avaaraq Olsensip innuttaasunik peqataasitsineq, aamma aqutseqatigiinnermik pilersitsigaluartoq taama isornartorsiuivoq.

Qinigassanngortittut pingasut pineqartut tamarmik inuussutissarsiutillit utoqqaallu sullikkumavaat. Taamaattumik sutigut qineqqusaarutaat assigiinngissuteqarnersut immikkoorsikkuminaapput, tamannalu qinersinerup inernissaanut pissanganartut ilagaat.

Qeqqeta Kommunia

Malik Berthelsen (S) borgmesteritut aappassaa maanna issíavoq. Taanna kommunimini tapersersorteqarluarpoq, qinersinermilu allannguisoqangaarnissaa ilimanarpallaanngilaq, Naleqqakkulli Inatsisartunik qinersisoqarmat angusaqarluartut tupaallatsitseriaannaapput. Assi © : KNR

Malik Berthelsen (S) 2017-mili borgmesteriugami eqqoriaruminalaarpoq susoqarumaarnersoq, aamma taanna tapersersorteqarluarpoq, Naleqqakkulli Inatsisartunik qinersisoqarmat angusaqarluartut tupaallatsitseriaannaapput.

Malik Berthelsen Qeqqata Kommuniani ukiuni kingullerni arfineq-pingasuni borgmesteriuvoq, kommunimilu allnnguisoqangaarnissaa ilimagineqanngilaq.

Kommune Qeqertalik

Ane Hansen (IA) Kommune Qeqertalimmi borgmesteriujunnaassaaq. Kommune Qeqertalimmi qinersineq taamaammat pissanganassaaq. Assi © : Jens Rafaelsen

Ane Hansen (IA) Kommune Qeqertalimmi aappassaa borgmesterioreerluni qinigassanngorteqqinniarnani aalajangernikuuaa.

Kommune Qeqertalimmi qinersisartunut KNR-ikkut aallakaatinneqartukkut Aasianni qineqqusaartoqarmat kommunip aaqqissugaanera ilaatigut oqallisigineqangaatsiarpoq, innuttaasummi amerlasuut kommunimit sullinneqarnertik isornartoqartippaat.

Ane Hansenip sulisut aaqqissugaanerannut suliniutaa inerisarneqaqqissasoq aalajangiusimavaa. Suliniulli taanna pissutaalluni politikerit Inuit Ataqatigiit sinnerlugit ilaasortat pingasut Siumukkunnut nuunnerannik kinguneqarpoq.

Kina Kommune Qeqertalimmi borgmesterinngussanersoq suli nalorninarpoq.

Avannaata Kommunia

Palle Jerimiassen(D) borgmesteritut 2021-mi qinigaaqqimmat uissuummissutigineqarpoq. Taanna parteeqatiminit Heidi Møllerimit maanna unammillerneqarpoq. Assi © : KNR

Palle Jerimiassen borgmesteritut aappassaa 2021-mi qinigaammat uissuummissutigineqarpoq, aamma Palle Jerimiassenimit. Taannami Siumumit anilluni attaviitsunngorami.

Taassuma Demokraatinut ilaasortanngornera KNR-ip siusinnerusukkut oqaluttuaraa. Parteeqataatali Heidi Møllerip KNR-imut inoqatinullu attaveqaqatigiittarfitsigut nalunaarutiginikuuaa borgmesterissatut sassarluni.

Kommunip marlunngorlugu avinneqarsinnaanissaa kommunimi politikerit oqallisiginikuuaat, assersuutigalugu Qaanaarmiut allallu sullinneqarnerat pitsanngorsarniarneqarluni.