Qimmit qimuttut nunarsuarmiunut kingornussat allattorsimaffiannut ilanngukkusukkaat
Nunatsinni qimmit qimuttut UNESCO-p nunarsuarmiut kingornussaat pillugit eriagisassatut allattorsimaffianut ilanngunneqartussatut innersuunneqarsinnaanersut suliniummi Qimmermik taaguuteqartumi maanna misissorneqaleruttorpoq.
Allattoq Sara K. Jakobsen
maajip 08-at 2018 06:57
Nutserisoq Simon Uldum
Qimmillu qimuttut nunarsuarmiut kingornussaat pillugit eriagisassatut allattorsimaffimmut ilanngunneqarsinnaanerinik UNESCO-p nalilersuinissaanut apeqqutit pingaarutillit akissuteqarfiginissaannut ilisimatusartut suliniummut peqataasut ikiortissarsiorput.
Apeqqutillu akinissaannut qimminik qimuttunik pigisaqartariaqanngilatit.
Imaassinnaavoq qimminik qimuttoqarfimmeersuusutit imaluunniit ilisimasaqarfigiinnaritit.
Immersugassaq kalaallisut tuluttullu atuarneqarsinnaavoq, akissutillu akiortornissaannut minutsit 10-20-t missaat atorneqassapput.
Misissuineq maajip 14-iani naammassineqassaaq.
