Ilinniartitaaneq Qeqertalik kinguussaaqqasoq
Ilinniartitaanerup qanoq inissisimanera eqqarsaatigalugu Kommune Qeqertalimmi najugaqartut appasinnerusumik inissisimasut Ikaarsaariarnermut Ataatsimiititalip siullermeerluni missingersuusiorneranni ersippoq. Kommune Qeqertaliup borgmesteriata Ane Hansenip, IA-meersup, Ikaarsaariarnermut Ataatsimiititaliamilu ilaasortat sinnerisa unammilligassat suunerat eqqumaffigivaat.
- Takusinnaavarput kommunissatsinni ilinniagaqarsimanikkut inissisimanerput appasittoq. Taamaattumik iliuusissanik asigiinngitsunik 2018-iminngaanniit aallartitaqarluta, Ane Hansen taama oqarpoq.
Kommunep 2018-imut missingersuutaani aningaasaliisoqarpoq meeqqat atuarfianniit qaffasinnerusumik piginnaanngorsaanissamut, taamaasillutik inuusuttut ilinniakkanut ingerlaqqiffiusunut alloriarnissaannik periarfissiisunik.
- Meeqqat atuarfianni avatangiisigissarneq aammalu ilinniartitsisunik pittaasunik orniginarsarneq siunertaralugu pittanngorsaaneq, Ane Hansen taama oqarpoq.
Taassumap aamma pingaartippaa pitsaasumik ilinniagaqarnissap piareersarlugu siusissukkut aallartittarnissaa.
- Meeqqerivigissarpugut. Meeqqeriviit amigaatigineqartut aamma nunaqarfinni pilersaarusiorlugit tulleriiarlugit pilersitsiortorfigissallutigit ukiuni tulliuttuni, Ane Hansen oqarpoq.
Ilinniakkamilli naammassinnittut tamatigut nunagisaminnut utertannginnerat Ane Hansenip eqqumaffigaa.
- Ilinniagaqarnerminnut atatillugu praktikkerusukkunik imaluunniit ilisimatusarnerminnut atatillugu maani kommunitsinniikkusuppata pittaanersumik ilusissamik maannakkut nassarniarluta. Kommune Qeqertalissami borgmesteriusussaq Ane Hansen taama oqarpoq.
AAMMA ATUARUK Qeqertaliup nunaqarfiini innuttaasumut ataatsimut 1000 koruunit
AAMMA ATUARUK Qeqertalimmi atorfinni amerlanerpaamik 50-iusussani aqqanillit suli inuttalerneqanngitsut
