Qaqqaq Islandimi Reykjanesip qeqertaasaaniittoq innermik anitsisoq
![](/sites/default/files/styles/image_934x467/public/2024-08/20240823-105249-L-1920x1081we.jpg?itok=UOgax4S5)
Qaqqaq Islandimi Reykjanesip qeqertaasaaniittoq innermik sisamanngornermi unnukkut anitsilerpoq. Nutaarsiassaqartitsivik Reuters taama allaaserisaqarpoq.
Islandimi nunap immikkoortuani tassani qaqqaq innermik ukiup kingullerup ingerlanerani arfinilissaa anitsivoq.
Qaqqaq innermik anitsilersimasoq, Islandimi silasiorfiup nutarasiassaqartitsivimmut RUV-mut uppernarsarpaa.
Reykjanesip qeqertaasaani Sundhnúkip eqqaani, illoqarfiup Grindavikip avannaaniittumi qaqqaq innermik Islandimi ippassaq unnukkut nalunaaqutaq qulinut qiteqqutilernerata missaani anitsilerpoq. Nuna tamaani akunnerup affaa sioqqullugu sajussimavoq.
Grindavik 4000-ngajannik innuttaqarpoq, 2023-lliu naalerneraniilli qimanneqarsimalluni, innuttaasummi qimagussorneqarnissaat siullerpaamik tassani naalakkiutigineqarmat.
Illoqarfik Grindavik, Reykjavikimit kimmut kujasissuaniippoq.