Joe Bidenip ernini Hunter Biden pillagassaajunnaarsikkaa
USA-p præsidentiata Joe Bidenip ernermi eqqartuussivilersuunneqarnera pinngitsuusumik eqqunngitsuliorfiginninnerunertut taavaa. Taassuma ernini ataasinngornermut unnuaani pillagassaajunnaarseqqammerpaa.
Hunter Bidenip pillagassaajunnaarsinniarnagu Joe Bidenip arlaleriarluni oqaatiginikuugaluaraa, nutaarsiassaqartitsivik AFP allappoq.
Allattoq Ritzau
decembarip 02-at 2024 09:59
Nutserisoq Hanne Petersen
USA-p præsidentiata Joe Bidenip ernini Hunter Biden pillagassaajunnaarsippaa.
Hunter Bidenip eqqartuussivitsigut malersorneqarnera naapertuilluanngitsuliornertut taallugu, Joe Bidenip ernini pillagassaajunnaarsippaa.
Joe Biden ataasinngornermut unnuaani taama oqaaseqarpoq.
54-inik ukiulik Hunter Biden eqqartuussivitsigut suliani marlunni pineqaatissinneqartussaavoq, sulili pineqaatissiisoqarnani.
Hunter Biden akileraartarnermi inatsisinik unioqqutitsisimasutut ilaatigut unnerluutigineqarpoq.
Sakkuuteqarsinnaanermut inatsisinik unioqqutitsisimasutut aamma unnerluutigineqarpoq, suliamili tassani pinngitsuunerarluni.
Hunter Bidenip pillagassaajunnaarsinniarnagu Joe Bidenip arlaleriarluni oqaatiginikuugaluaraa, nutaarsiassaqartitsivik AFP allappoq.
