Ritzau

Joe Bidenip ernini Hunter Biden eqqartuussaassappat saammaannianngikkaa

Hunter Bidenip eqqartuussivilersuunneqarnerani sapaatit akunnerata massuma ingerlanerani aallartittumi qanorluunniit inerniliisoqaraluarpat akueriniarini, USA-p præsidentiata Joe Bidenip uppernarsarpaa.

Allattoq Ritzau

juunip 07-at 2024 08:55

Nutserisoq Mads Lynge

USA-p præsidentiata Joe Bidenip ernermi Hunter Biden eqqartuussaassappat, saammaanniarnagu nalunaarutigaa.

Hunter Biden, illuinnarsuumik pisinermi ikiaroornartunik atuisuunini pillugu ukiut arfinillit matuma siornatigut salluliorsimasutut unnerluutigineqarpoq.

Illuinnarsuummik pisinermi immersugassaq immersoramiuk ikaroornartunik atuisuunnginnini nalunaarsorsimagaa unnerluussisussaatitaasut isumaqarput.

Hunter Biden pisuutinneqassappat saammaanniarneraa Joe Biden nutaarsiassaqartitsivimmit ABC Newsimit aperineqarami naaggaarpoq, tassa Hunter Bidenip saammaanneqannginnissaa aalajangiusimanerlugu aperineqarami angerpoq.

Aamma atuarukBidenip naalakkersuinermi akisussaasutut eqqartuunneqarsinnaanissaanik misissuisoqarsinnaalertoq

Hunter Bidenip eqqartuussivilersuunneqarnerani sapaatit akunnerata massuma ingerlanerani aallartittumi inerniliineq akueriniarini, Joe Bidenip uppernarsarpaa.

Illuinnarsuummik pisinermi salluliorsimasutut unnerluutigineqarnermi saniatigut illuinnarsuut inatsisit unioqqutillugit ulluni aqqanilinni pigisimagaa unnerluutigineqarpoq.

Eqqartuussinerup juunip qiteqqunnerani naammassineqarnissaa naatsorsuutigineqarpoq.

Hunter Biden unnerluussutini tamani pisuutinneqassaguni ukiuni 25-ni parnaarussassanngortinneqarsinnaavoq.

Nutaarsiassami kukkunermik nassaarsimaguit uunga allaffigineqarsinnaavugut.