Kina Østersømi immap naqqani kabelit kipinneqarnerannik misissuinermi suleqataarusukkumasoq

Kina Østersømi immap naqqani kabelit kipinneqarneranni qanoq pisoqarsimaneranik iternga tikillugu misissuinermi suleqataarusuppoq.

Kinap nunanut allanut tunngasuni ministereqarfiata oqaaseqartitaa Mao Ning taama oqartoq, nutaarsiassaqartitsivik AFP allappoq.

- Kina qanorpiaq pisoqarsimaneranik misissuinermi suleqataarusuppoq, Mao Ning oqarpoq.

Kinali qanoq ititigisumik suleqataarusunnersoq suli ilisimaneqanngilaq.

Umiarsuaq pajuttaat Kinameersoq Yi Peng 3, Danmarkip sineriaata avataani Kattegatimiittoq, immap naqqani kabelit kipineqarnerannut attuumassuteqarneragaavoq.

Umiarsuaq nunat tamalaat imartaanniippoq, Danmarkilli aningaasarsiorfianiilluni. Umiarsuaq sinerissamik nakkutilliissut Tysklandimeersoq kinamiut umiarsuaata eqqaaniippoq. Danmarkimi Sverigemilu oqartussat aamma umiarsuup eqqaniinnikuupput.