Kina Ruslandilu Østersøp naqqani kabelit ajoquserneqarsimanerannut ilisimanninnginnerartut
Kina Ruslandilu Østersøp naqqani kabelit ajoquserneqarsimanerannut ilisimanninnginnerarput.
Norgemi nutaarsiassaqartitsivik NTB Ruslandimilu nutaarsiassaqartitsivik Tass taama allapput.
- Ruslandip tunngavissaqanngitsumik pisuutinneqartarnera isumaqanngilluinnarpoq, Ruslandip inatsisartuisa oqaaseqartartuat Dmitry Peskov oqarpoq.
Finlandip, Tysklandip, Litauenip Sverigellu akornanni immap naqqatigut kabelit ilaasa ajoqusersimanerannik tamaani oqartussat nalunaaruteqareersullu Peskov oqaaseqarpoq.
Østersøp naqqani kabelit piaaraluuni aserorneqarsimasut, Tysklandip illersornissamut ministeria isumaqarpoq.
Kinamiut umiarsuaat Yi Peng 3 kabelit ajoquserneqarfiisa nalaanni kabelit eqqaanniissimanerarneqarpoq.
Danmarkip illersornissaqarfiata umiarsuaq marlunngormalli malittaraa, suliarli pillugu itinerusumik oqaaseqarusunnani.
Umiarsuaq pineqartoq Grenaap avataani pingasunngornermi unnukkut kisaqqavoq. Umiarsuaq Ruslandimi umiarsualiviit ilaanni talinngasoq kingullermik takuneqarpoq.
Immap naqqatigut kabelit ajoquserneqarnerat Tysklandimi politiinit suli misissuiffigineqarpoq, Danmarkimili Sverigemilu politiit suliaq misissuiffigiunnaareerlugu.
