Qamutit motoorillit akileraarutaat pillugit siunnersuut kinguartinneqartoq
Tamanna pillugu inatsisissamik siunnersuummik ataatsimiinnermi aggersumi saqqummiussisoqassanersoq kingusinnerusukkut isummerfigineqarumaarpoq.
Naalakkersuisut nittartagaanni tamanna atuarneqarsinnaavoq.
Qamutit motoorillit innaallagissamik brintimillu ingerlatillit eqqunneqarneranni nioqqutissanik eqqussuinermi akitsuummik aamma qamutit motoorillit akileraarutaannik akiliinngikkallarnisssaq pillugu Inatsisartut Inatsisaat tunngavigalugu eqqussuinermi akiitsuusiinissamut aamma qamutit motoorillit akileraarutaannut ilaatinneqanngillat, akitsuuteqartitsinnginnerlu decembarip 31-ni ukiormanna naassalluni.
AAMMA ATUARUK Biilikunik isaterititsinissamut ikiuiniartut
Taamaattumik Naalakkersuisut eqqarsaatiginiarpaat akitsuuteqartitsinnginneq maannamut atuuttoq ingerlateqqinneqaqqissanersoq, taamaassappallu qanoq isikkoqarluni tamanna pissanersoq.
Naalakkersuisut tamanna pillugu siunnersuummik saqqummiussissallutik aalajangissappata, taava tamanna natsorsuutigineqarsinnaavoq 2018-imut aningaasaqarnermut inatsisissatut siunnersuutip oqaluuserineqarnerani pisinnaassasoq.
AAMMA ATUARUK Biilinut innaallagiatortunut akitsuusiisannginneq atuutiinnassasoq
AAMMA ATUARUK Biilinut akitsuusersuisarneq allanngortinniarneqartoq
