Qalerallit Qaanaami isertitanut qaffaataasut
Qaanaami isertitat annertuseriarsimasut nunatta naatsorsueqqissaartarfiata saqqummerseqqammigaani takuneqarsinnaavoq, tamannalu innuttaasunut illoqarfimmullu qiimmatsitsivoq.
- Tassa ukiuni kingullerni aalisarneq siuariartortuarneranik, inuit amerlanerip aalisarnissaannavik eqqarsaatigilernikuugamikkut. Qalerallit inuuniarnitsinni naleqarnerulersimammata Qaanaami qalerallit Inughuit Seafoodimut tunisaanerat iluaqutaasorsuummata, K´ulutana Kvist oqarpoq.Qaanaap eqqaani qaleraleqarnerulernera, Royal Greenlandip tunisassialerinermi ingerlatsisuata, Niels Ole Møllerip aamma naqissuserpaa. Qaanaami sikugaangat aalisarneq ingerlanneqarsinnaalertarpoq, ukiunilu kingullerni sikujaartanera aalisartunut aamma malunniutaavoq.
AAMMA ATUARUK Innuttaasut pisisinnaassusiat annertuseriartoq
2016-imi Qaanaami innuttaasut isertitaat nunatta naatsorsieqqissaartarfiata kisitsisit saqqummersitai naapertorlugit 137.000 koruuniupput, siornali 8,1 procentimik qaffariarlutik 148.000 koruunit isertinneqarsimapput, tamannali innuttaasunut sunniuteqanngitsuunngilaq:
- Ilaqutariit piisaarnerulertarputamigaateqarnatillu. Immaqa ikiorsiissutinik pisartagallit unilluni, iluaqutigisorsuuaat, K´ulutana Kvist oqarpoq.Qaanaami innuttaasut isertitaqarnerulerneri aalisarnerinnarmik aallaaveqanngilaq. Tassami Namminersorlutik Oqatussat Avannaata Kommunea suleqatigiillutik Qaanaami suliffissaaleqisut ikilisinniarlugit siorna ukiorlu manna inuit arfineq-pingasut suliffissaqartippaat.
Suliassaqartinniarneqartullu assigiinngitsunik tunuliaquteqarput.
AAMMA ATUARUK Udfordringer i Qaanaaq skal løftes i flok
- Imaappoq suliffissaaleqisut taavalu ilai piniartut. Imaluunniit aalisartut piniartut, aalisanngiffimminni pinianngiffimminnilu oorisiorfeqalaarniassagamik, Avannaata Kommune immikkoortortami Qaanaami inunnik inuussutissarsiornermik siunnersorti Arrutaq Qujaukitsoq nassuiaavoq.
Qaanaamilu inuttaasunut nuannersumik kinguneqarpoq.
- Soorunami inuk kinaluunniit aningaasarsiorfeqaleraangami qiimanerulertarpoq, illoqarfipput uummartuusilertartoq, inuit nuannaarnerulerlutik nalunngileraangamikku aningaasarsiorlutik, K´ulutana Kvist KNR-imut oqarpoq.
AAMMA ATUARUK Qaanaami aalisarneq tunisassiornerlu siuariartuinnartoq