Qaanaami aalisarneq tunisassiornerlu siuariartuinnartoq

Tunisassiorfimmi qalerallit paperuikkat niaqquikkallu tunisassiarineqalermata sulisut tallimaasimasut maanna 15-it 19-illu akornanni amerlassuseqalerput.

AAMMA ATUARUK Ingerlatseqatigiiffik Inughuit Seafood A/S pilersinneqarpoq

Royal Greenland taama nalunaaruteqarpoq.

- Qaanaani tunisassiorfimmi sulisut aalisakkanik tunisassiorsinnaanermik maanna ilinniartinneqarput, taamaattumik tunisassiorneq ingerlallualeriartuinnarpoq aamma ullormut tunisassiat annertusiartorput. Aalisartut aamma aalisarluarnerulernikuupput aamma Qaanaap eqqaani aalisartoqalerulerpoq tunisassiornerlu siuariartuinnarpoq, Royal Greenlandimi tunisassialerinermi ingerlatsisoq, Niels Ole Møller oqarpoq.

Saattuni Royal Greenlandip tunisasiorfiani sulisoq misilittagalik maanna Qaanaami tunisassiorfiup sulisuinik qaleralinnik paperuikkanik niaquikkanillu tunisassiortarneq pillugu ilinniartitsiartorluni Qaanaamiittoq Niels Ole Møllerip aamma oqaatigaa.