Kisitsisit nutaat: Innuttaasut pisisinnaassusiat annertuseriartoq
Innuttaasut pisisinnaassusiat taamaalilluni annertuseriarpoq, Naatsorsueqqissaartarfiullu isertitat pillugit paasissutissiortalerneranit isertitat pisissutaasinnaasut aatsaat taama qaffasitsigisut, Naatsorsueqqissaartarfimmit oqaatigineqarpoq.
2017-imi isertitat agguaqatigiissinneqarneri 2016-imut naleqqiullugit 5.000 koruuninik amerlanerupput, procentinngorlugit 2,2 procentiullutik.
Isertitallu qaffakkiartornerat kommuninut sisamaasunut tamanut atuuttoq, Naatsorsueqqissaartarfiup paasissutissiissutigaa.
Isertallu qaffariaataat Kommune Kujallermi annertunerpaavoq, innuttaasut isertitaat agguaqatigiissillugit 4,4 procentinik qaffariaateqarmata.
Aamma Kommuneqarfik Sermersuumi isertat 3,7 procentinik qaffariaateqarput Qeqqata Kommunianilu qaffariaataasoq annikitsuinnaalluni.
Qaasuitsup Kommunerisimasaani isertitat agguaqatigiissillugit appariarsimasut aamma takuneqarsinnaavoq, isertitat agguaqatigiissillugit 2000 koruuninik appariarsimammata.
Nuummi isertitat agguaqatigiissillugit qaffasinnerpaapput, 2017-imi isertitat agguaqatigiissillugit 323.000 koruuniummata.
Naatsorsueqqissaartarfiup kisitsisaatai uani takuneqarsinnaapput.
