Putinip Ukraine nunallu killiit israelimiut mittarfeqarfimmi eqqissiviilliornerannut pissutaanerarai
Israelimut akerliussutsimik Ruslandimi nunap immikkoortuani Dagestanimi takutitsinerisa nalaanni eqqissiviilliornerit Ukrainemit nunallu killiit isertortumik paasiniaasartuinit pipput. Ruslandip præsidentia Vladimir Putin taama pasilliuteqarpoq.
Inuit 60-it Israelimut akerliussutsiumik Dagestanimi illoqarfiit ilaanni Makhatjkalami timmisartoqarfimmi takutitsineranni tigusarineqarput. Dagestanimi innuttaasut akornanni amerlanerit muslimiupput.
Timmisartoq Israelimeersoq meqqammiinnartoq timmisartoqarfimmi eqqissiviilliortoqalerpoq.
Akerliussutsimik takutitsisut assiaqutit piiarlugit timmisartoqarfimmut isaapput, mittarfimmullu appakaapput timmisartorlu tassani unguniarsaralugu.
Timmisartoqarfimmi Israelip Gazamik qaartartumeerileruttornerata nalaani eqqissiviilliortoqarpoq. Islamisiortut Hamasimeersut Israelimik oktobarip ulluisa arfineq-aappaanni saassussereersullu Israel akiniaalluni Gazamik qaartartumeerilerpoq.
Nunat killiit pissutaallutik Gazami sorsuttoqalersoq, Putinip ataasinngornermi unnukkut oqaatigaa.
USA iligisaalu Palæstinamiunik Gazami toqoraasut, Putin isumaqarpoq.
