Hizbollah-kkut siuttoriligassaminnik piaartumik toqqaaniartut
Upperisarsioqatigiit sakkutuui Hizbollah-kkut siuttumik Hassan Nasrallah-p toqutaareernerani siuttoriligassaminnik piaartumik qinersiniarput.
Nasrallah nunap iluani tallimanngormat toqqoqqanerani, isralimiut silaannakkut sakkulersornerata malitsigisaanik toqutaasup kingorna aatsaat Hizbolla-kkunnit oqaaseqartoqarpoq.
Allattoq Ritzau
septembarip 30-at 2024 14:28
Nutserisoq Brian Jensen
Upperisarsioqatigiit sakkutuui Hizbollah-kkut Libanonimi najugaqartut piaartumik nutaamik aqutsisussamik qinersiniarput.
Hizbollah-kkut naalakkat tullersortaa Naim Qassem paasissutissiivoq.
Israelimiut silaannakkut tallimanngormat saassussineranni generalip allattaa Hassan Nasrallah toqutaasoq taarsissavaa.
Inunnut ujaasissutit qaartinneqaraluartut Nasrallah-lalu toqutaagaluartoq Israelimiunut akersuunneq uninnaviannginneranik - qatanngummik aqutsisumillu annaasaqarnerartup - Naim Qassemip - eqqarsaateqarfigalugu ullumi oqarpoq.
Nasrallah nunap iluani tallimanngormat toqqoqqanerani, isralimiut silaannakkut sakkulersornerata malitsigisaanik toqutaasup kingorna aatsaat Hizbolla-kkunnit oqaaseqartoqarpoq.
