Israelimiut Libanonimik saassussineranni inuit 500-ngajalluinnaat toqutaasut
Israelimiut Libanonimik ataasinngormalli ullaakkut saassussineranni inuit 492-init ikinnerunngitsut inuunerannik akeqarpoq ikinnerpaamillu 1645-t ikiligaallutik.
Taama Libanonimi peqqinnissaqarfimmi ataasinngormat unnukkut ilisimatitsisoq, nutaarisassaqartitsivik Reuters allappoq.
Libanonimi ukiuni 15-ini pikitsitsinermi 1990 tikillugu ingerlanneqartumi aatsaat taama aagasatsigisumik pisoqartoq, Libanonip naalakkersuisuisa oqaaseqartartuat oqarpoq.
Saassussinerit kingunerisaanik inuit titusindtilikkuutaat qimarnguttut, Libanonimi naalakkersuisut ilisimatitsipput.
Peqqarniitsuliorniaqatigiit aaqqissorneranut taaneqartunik Hizbollahp sumiiffigisaanik untritilikkaanik saassussisimallutik, Israelimi sakkutuut (IDF) oqarput.
Inuinnarnut kinguneqarnerloqisumik Libanonimi Hizbollahp Israelillu akornanni sakkulisariartuinnarneq 'sorsunnivittut taaneqarsinnaasutut' Joseph Borrelip EU-mi nunanut allanut pisortap oqaatigaa.
