New Zealandimi aatsaat taama amerlatigisunik hakartoqartoq

Nunarsuarmioqatitsinni hakarnermi New Zealndermiut nutaamik rekortiliipput, haka tassaalluni maorit kulturianni qiteriaatsit ilaat ileqquliunneqarsimasoq.

Maorit tassaallutik New Zealandip inoqqaavi.

Eden Parkimi Aucklandimiittumi rekoortiliiniuuttoqarpoq. Inuit 6.531-t hakarsimapput, taassuma ataani Ka Mate-mik taaguuserlugu qittattoqarsimaneranik nalunaaruteqartoqarpoq.

Taamaasilluni 4028-nik qittattoqarneq franskinit rekoorterineqartoq New Zealandamiunit anguneqarpoq.

Inoqqaanik allanik tikilluaqqusinermi, katerinnermi sorsugialernermilu haka ileqquusimavoq. Sorsugialernermi ersisaarutitut atorneqartarsimavoq.

New Zealandimi rugbymik arsaattoqalersillugu aamma pingaarutilinnik nalliuttorsiornerni ileqquusumik hakartoqartarpoq.

Hakariaatsit assigiinngitsorpassuupput, taakkunanngali Ka Mate nalunnginneqarnersaavoq. Taanna 1920-p missaanili ileqquliunneqarpoq.

Rekoortileeriarnermi inuit 10.000-nit ikinnerunngitsut najuunnissaat pilersaarusiortunit kissaataasimagaluarpoq.

Eden Parkimi pisortap Nick Sautnerip stadionimi inuit tusintilikkuutaat Ka Matemik takutitsinerat puigunngisaannagassatut oqaatigaa.

New Zealandip inuisa 5,3 millionit missaanniittuusuni millioningajaat maorinit kingoqqisuupput.